Üide de em aluǧa bolady
Astana qalasy Densaulyq saqtau basqarmasynyŋ mälımetınşe, bılıktılıktı arttyru jäne medisina qyzmetkerlerın qaita daiarlau boiynşa biyl jergılıktı biudjetten 390 mln teŋge bölıngen.
Nätijesınde elımız ben bırqatar alys-jaqyn şet elderdıŋ ǧylymi ortalyqtarynda 5 myŋnan asa medisina qyzmetker bılıktılıgın arttyru kurstaryna qatysqan. Sonyŋ ışınde tūŋǧyş ret astanalyq 50 medbike Nazarbaev universitetınıŋ medisina mektebınde medbike ısı menedjmentı baǧdarlamasy boiynşa bılımın jetıldırgen.
«Sifrly Qazaqstan» baǧdarlamasy aiasynda Prezident tapsyrmasyna säikes, keler jyldyŋ alǧaşqy künınen bastap barlyq emhanalar men auruhanalar qaǧazsyz jüiege, iaǧni sifrlyq medisinalyq qūjatqa köşuı tiıs. Bügınge deiın elordadaǧy medisinalyq ūiymdardyŋ aqparattyq jüiesı arqyly 1,5 mln ötınışke qyzmet körsetılıp, 1 millionnan asa elektrondy densaulyq pasporty qūrylypty. 2020 jylǧa qarai barlyq tūrǧynnyŋ elektrondy pasporty jasalyp, sonyŋ arqasynda qyzmet körsetu sapasy artyp, kezek kütu, biurokratiia mäselesı bırtındep joiylmaq.
– Memleket basşysy biylǧy Joldauynda densaulyq saqtau salasyna qatysty aitqan sözınde: «Eŋ aldymen alǧaşqy medisinalyq-sanitarlyq kömektıŋ qoljetımdılıgın küşeitu kerek» degen bolatyn. Būl tūrǧyda Astana qalasy Qoǧamdyq densaulyq saqtau basqarmasynda ılkımdı ıster qolǧa alynyp jatyr. Mysaly, qalada qosymşa 68 medisinalyq uchaske aşu josparlanuda. «Densaulyq» memlekettık baǧdarlamasyna säikes, bır därıgerdıŋ jalpy täjıribedegı ortaşa jüktemesı 1750 adamdy qūraityn bolady. Osyǧan bailanysty qaladaǧy emhanalardyŋ uchaskelerın şaǧyndap qaita ūiymdastyru şaralary jürgızılude. Būl aumaqtyq qoljetımdılıktı qamtamasyz etuge mümkındık beredı. Sonymen qatar «Doktor üiıŋızde» jobasyn engızu arqyly jedel medisinalyq järdemge qoljetımdılık artady. Būl joba boiynşa keler jyldyŋ bırınşı toqsanyna deiın 11, al 2023 jylǧa deiın 40 nysan aşylady dep josparlanuda, – deidı Densaulyq saqtau basqarmasynyŋ baspasöz hatşysy Äigerım Ardaq.
Onyŋ aituynşa, 2019 jyldyŋ 1 qaŋtarynan bastap uchaskelık medisina mamandarynyŋ jalaqysy 20 paiyzǧa ösedı dep kütılude.