General S.Nūrmaǧambetov atyndaǧy «Jas ūlan» respublikalyq mektebınde «Daryn» Memlekettık jastar syilyǧynyŋ jäne Qazaqstan Jurnalister odaǧy syilyǧynyŋ laureaty, Chernobyl apatynyŋ jäne QR Qaruly Küşterınıŋ ardagerı Marat Jünıs-Bektıŋ bastamasymen «Ardagerlerım – ardaqtylarym» atty şyǧarmaşylyq baiqau öttı.
Baiqaudyŋ maqsaty – Auǧan soǧysynyŋ, täjık-auǧan şekarasyndaǧy qaqtyǧystyŋ, Semei synaq poligony qasıretın jäne Chernobyl atom elektr stansasyndaǧy tehnogendık jarylysynyŋ tarihi maǧynalyq aqiqatyn aşu.
«Ardagerler ūiymy» respublikalyq qoǧamdyq bırlestıgı Ortalyq keŋesı tūraqty komissiiasynyŋ töraǧasy, qoǧam qairatkerı Orazkül Asanǧazyqyzy, Auǧan soǧysy men Chernobyl apaty ardagerlerı qūrmettı qonaq retınde qatysqan ıs-şara barysynda Auǧan soǧysy, Chernobyl apaty jaily filmder körsetıldı. Ūlandar Mūhamed Nūrjanat «Auǧan erlerın eske alu» atty öz öleŋın oqysa, Quanyş Sarqytpaev «Jasa, qazaq!» änımen, mektep qyzmetkerı Älıbek Altynbaev «Ofiserler» änımen körermennıŋ köŋılın köterdı. Mektep ūlandary Semei poligonynyŋ qasıretı turaly qolöner tuyndylaryn körsettı.
Qorytyndy sözınde mektep basşysy, general-leitenant Qūrban Qarajanov osyndai ıs-şaralar bolaşaq ūrpaqtyŋ boiynda patriotizm sezımın qalyptastyratynyn aita kelıp, baiqaudyŋ ekınşı kezeŋı jalǧasatynyn, onyŋ qorytyndysy jyl aiaǧynda şyǧarylatynyn jetkızdı.
Meruert SMAǦŪL,
general S.Nūrmaǧambetov atyndaǧy
«Jas ūlan» respublikalyq mektebınıŋ
ideologiia jäne arnaiy nasihattau boiynşa ofiserı
