Memleket basşysy Nūrsūltan Nazarbaevtyŋ bes institusionaldyq reformany jüzege asyru jönındegı 100 naqty qadam – Ūlt josparyn tüsındıru jönındegı respublikalyq aqparattyq-nasihat tobynyŋ müşelerı qalalyq №1 auruhanada elorda tūrǧyndarymen kezdestı.
Kezdesu barysynda atalmyş toptyŋ müşesı, QR Densaulyq saqtau jäne äleumettık damu ministrlıgınıŋ Medisinalyq baqylau jäne farmasevtikalyq qyzmet komitetı töraǧasynyŋ orynbasary Ruslan Nūrmūhanov söz söiledı.
– Elbasy atap körsetkenındei, memlekettıŋ basty maqsaty – älemdegı bäsekege qabılettı 30 eldıŋ qataryna enu jäne Ekonomikalyq yntymaqtastyq pen damu ūiymyna müşe elderdıŋ standarttaryn Qazaqstanda da engızu bolyp tabylady, – dedı R.Nūrmūhanov.
Būl reforma qoǧam ömırınıŋ şeşuşı salalaryn jaŋǧyrtuǧa baǧyttalǧany turaly aita kele, ol Ūlt josparyndaǧy alǧaşqy 15 qadam memlekettık apparattyŋ käsıbi deŋgeiın tübegeilı köteruge arnalsa, 19 qadam sot jüiesı men qūqyq qorǧau organdaryn jaŋǧyrtudyŋ tiımdı şaralary turaly bolyp otyrǧanyn alǧa tartty.
Ūlt josparyndaǧy qazaqstandyqtardyŋ ömır sapasyn arttyruǧa baǧyttalǧan negızgı bölım 50 qadamnan tūrady. «İndustriialandyru jäne ekonomikalyq ösım» dep atalatyn būl bölım jaŋa joǧarytehnologiialy ekonomikalyq ösımdı yntalandyru men adam kapitalyn damytuǧa baǧyttalǧan. «Bırtektılık pen bırlık» bölımındegı alty qadam «Mäŋgılık el» qūndylyqtar jüiesın damytuǧa, jalpyqazaqstandyq jäne qoǧamdyq bırlıktı nyǧaituy yqtimal jalpy şaralar jäne on qadam qoǧamdyq baqylau men azamattyq qoǧamnyŋ qatysuyn keŋeitıp, memlekettık organdardyŋ aşyqtyǧy men eseptılıgın, «Aşyq ükımet» jūmysynyŋ tetıkterın jetıldırudı qamtamasyz etedı. Osy turaly keŋınen äŋgımelei otyryp, respublikalyq aqparattyq-nasihat tobynyŋ müşesı institusionaldyq bes reformany jüzege asyru jönındegı jobanyŋ äleumettık baǧyttaryna, äsırese, mındettı äleumettık medisinalyq saqtandyrudy engızumen bırge bastapqy medisinalyq-sanitarlyq kömektı qarjylandyru mäselelerıne airyqşa toqtaldy.
Kezdesu barysynda memlekettık medisinalyq ūiymdardy jekeşelendırudı yntalandyru jäne memlekettık emes ūiymdar arqyly tegın medisinalyq kömektıŋ kepıldendırılgen kölemın berudı keŋeitu mäselelerı de söz boldy.
Gülbarşyn ÖKEŞQYZY
