Keşe QR Prezidentınıŋ kömekşısı – Qazaqstan Respublikasy Qauıpsızdık Keŋesınıŋ hatşysy Qairat Qojamjarov «Ortalyq» äskeri aimaqtyq basqaru bölımınde ötken Ūlttyq gvardiianyŋ oqu-ädıstemelık jiynyna qatysty.
Is-şara aiasynda Ūlttyq gvardiia äskeri keŋesınıŋ otyrysy öttı. Onda qyzmettık-jauyngerlık jūmys qorytyndylanyp, aldaǧy uaqytqa aiqyn mındetter qoiyldy.
Jiynda Q. Qojamjarov qoǧamdyq qauıpsızdık pen tärtıptı qamtamasyz etude Ūlttyq gvardiianyŋ maŋyzy zor ekenın atap öttı. Sondai-aq, ol qyzmettı jaqsartu maqsatynda bırqatar mındetter jüktedı.
Qajettı jerge äskeri küştı jıberu, paraşiuttık-desanttyq top pen jauyngerlık barlau tobynyŋ äreketterı körsetıldı.
Jiyn soŋynda Prezidenttıŋ kömekşısı – Qazaqstan Respublikasy Qauıpsızdık Keŋesınıŋ hatşysy «Ortalyq» äskeri aimaqtyq basqaru bölımınıŋ jeke qūramynyŋ äreketterıne oŋ baǧasyn berdı.
