Keşe Memleket basşysy Qasym-Jomart Toqaev QR Prezidentı janyndaǧy Ūlttyq qoǧamdyq senım keŋesınıŋ erejesın jäne qūramyn bekıtu turaly Jarlyqqa qol qoidy. Būl turaly Aqordanyŋ baspasöz qyzmetı habarlady.
Ūlttyq keŋestıŋ qūramyna qoǧam belsendılerı, saiasatkerler men jurnalister kırgen. Prezidenttıŋ keŋesşısı Erlan Qarin Ūlttyq senım keŋesınıŋ alǧaşqy jiyny 20 tamyzǧa josparlanǧanyn habarlady.
«Bügınde kün tärtıbı, qandai jūmys toptary qūrylady, olardyŋ qūramyna kımder kıredı, osynyŋ barlyǧyn şeşetın bolamyz. Osy ūlttyq keŋestıŋ qūramyna kırıp otyrǧan azamattarǧa alǧys bıldıremın. Ärine, basqa da adamdardy tartuǧa bolar edı. Bıraq bız osy talqylaularda naqty mäseleler köterıp, ūsynystar jasaimyz degendıkten, ol tek jiyn barysynda aitylyp qoimai, şynaiy ömırde de qoldanysqa enuı kerek» dep tüsındırdı Erlan Qarin Ortalyq kommunikasiialar qyzmetındegı brifingte.
