«EKSPO-2017» mamandandyrylǧan körmesınıŋ aiasynda 6-8 şılde künderı «Däulet» sport keşenınde QR Prezidentı N. Nazarbaevtyŋ jüldesı üşın erler men äielder arasynda sambo jäne äskeri sambodan älem kubogınıŋ kezeŋı öttı. Nätijesınde Qazaqstan qūramasy jalpykomandalyq esepte top jardy.
Bızdıŋ komandanyŋ qorjynyna jalpy 54 jülde tüstı. Naqtyraq aitsaq, 13 altyn, 12 kümıs, 29 qola medal. Finalda qazaqstandyq sportşylar 3 altyn jäne 3 kümıs ielendı.Odan keiıngı oryndy 7 altynmen Gruziia ielendı. Al reseilıkter jarystyŋ soŋǧy künı 2 altyn jeŋıp alyp, jalpy 3 altynmen Özbekstandy basyp ozyp, üşınşı orynnan körındı.
Turnir syilyǧy 9 salmaq därejesınde: 52, 57, 62, 68, 74, 84, 90, 100 kg jäne 100+ kg sarapqa salyndy. Otandastarymyz äskeri sambodan erekşe közge tüstı. Olar qorjynǧa 7 altyn, 3 kümıs, 9 qola medal saldy.Sondai-aq, äielder qūramasy da artylǧan senımdı artyǧymen aqtady. Älem kubogy qorytyndysy boiynşa olarda – 3 altyn, 3 kümıs jäne 11 qola medal. Al erler 3 altyn, 6 kümıs jäne 9 qola medal jeŋıp aldy.
Jarysqa Armeniia, Äzerbaijan, Belarus, Bolgariia, Germaniia, Gruziia, Moldova, Resei, Rumyniia, Türkiia, Özbekstan, Qyrǧyzstan, Oŋtüstık Koreia, Japoniia, Täjıkstan jäne AQŞ sekıldı 16 memleketten 200-den astam sportşy qatysty. Olardyŋ bärı Astanada ötıp jatqan halyqaralyq mamandandyrylǧan «EKSPO-2017» körmesın aralauǧa şaqyryldy.
Orynbek ÖTEMŪRAT
