Astana qalalyq Ardagerler keŋesınıŋ töraǧasy Sansyzbai Esılovtıŋ jetekşılıgımen aǧa buyn azamattardyŋ jaǧdaiyn jaqsartu jönındegı 2025 jylǧa deiıngı «Belsendı ūzaq ömır» ūlttyq josparynyŋ oryndaluy turaly döŋgelek üstel ūiymdastyryldy. Jiynǧa Almaty audandyq Ardagerler keŋesı tūraqty komissiialarynyŋ töraǧalary, bastauyş ūiymdardyŋ töraǧalary, Almaty audany äkımdıgınıŋ bölım basşylary qatysty.
Sansyzbai Seiıtjanūly kırıspe sözınde 2021 jyly qabyldanǧan būl baǧdarlamanyŋ maqsaty aǧa buyn ardagerlerımızdıŋ densaulyq-salauatty ömır süru ūzaqtyǧyn arttyru jäne qamqorlyqqa, kütımge mūqtaj adamdarǧa medisinalyq, äleumettık qyzmetterge qoljetımdı etu ekenın sözge tiek etıp, osy baǧytta atqarylǧan jūmystar jönınde aitty. Būl döŋgelek üstelge arnaiy şaqyrylǧan Astana qalasy mäslihatynyŋ töraǧasy Erlan Kanalimov, Astana qalasy Jūmyspen qamtu jäne äleumettık qorǧau basqarmasynyŋ basşysy İlia Skub, qalalyq Densaulyq saqtau basqarmasynyŋ basşysy Timur Mūratov, qalalyq Ardagerler keŋesı tūraqty komissiiasynyŋ töraǧasy Qaliäsker Jantemırov jäne Astana qalasy Işkı saiasat basqarmasynyŋ basşysy Däuren Babamūratov ūlttyq jospardyŋ oryndalu barysy jaily tūşymdy baiandamalar jasady.
Söz söilegender tarapynan 2021 jyly ıske qosylǧan būl baǧdarlamanyŋ negızgı maqsaty ardagerler men zeinetkerlerge qamqorlyq jasau, qart adamdardyŋ ömır süru sapasyn jaqsartu baǧytynda auqymdy ıs-şaralar atqarylǧany aityldy. Atap aitqanda, Astana qalasynyŋ 4 audanynda Belsendı ūzaq ömır süru ortalyqtary aşylyp, qarttardyŋ bos uaqytyn ūiymdastyruǧa jaǧdai jasalǧan. Būl ǧimarattarda josparlanǧan äleumettık qyzmetter tızımınde äleumettık sauyqtandyru, jattyǧu terapiiasy, tynys alu jattyǧuy, äleumettık-medisinalyq kömek, därıgerdıŋ, psihologtyŋ keŋesı, salauatty ömır salty boiynşa leksiia, qūqyqtyq jäne qarjylyq sauattylyq, internet-alaiaqtyqtyŋ aldyn alu boiynşa mamandar keŋesı, art-terapiia, eŋbek terapiiasy (toqu, tıgu, bezendıru, qoldan jasalǧan syilyqtar), tılderdı üirenu, kompiuter kursy, şahmat, toǧyzqūmalaq, vokal, taqyryptyq keşter, konkurstar men viktorinalar körsetılgen jäne būl jūmystar tyŋǧylyqty oryndaluda. Osyndai ortalyq Nūra audanynda da aşylady.
Bügıngı taŋda Astana qalasy boiynşa emhanalar janynan geriatriialyq kabinetter de aşylyp, öz jūmysyn bastauda, nätijesınde egde jastaǧy adamdar bala-şaǧamen kezekte tūrmai, özderıne ǧana arnalǧan terapevt därıgermen jüzdesetın bolady. Sonymen qatar «Qatarköl» demalys keşenınde jyl saiyn 4 myŋ zeinetkerdıŋ demaluyna jaǧdai jasalǧany, 190 myŋ zeinetker men mügedekterdıŋ tegın därı-därmekpen qamtamasyz etılgenı jäne qala boiynşa avtobustarda zeinetkerlerdıŋ tegın jüruı de aityldy. Äsırese tıs protezıne degen sūranys 3 myŋ adamnan asady eken. Oǧan bölınetın qarjy är adamǧa şaqqanda 90 myŋ esebınde. Bıraq aldaǧy jyly tıs protezıne bölınetın qarjy är adamǧa şaqqanda 250 myŋ teŋgenı qūrap, 4 myŋ adamdy emdeu josparlanyp otyr.
Jinalysqa qatysqan zeinetkerler men ardagerler baiandamaşylardyŋ sözın qoldai otyryp, älı de egde adamdarǧa körsetıletın kömektıŋ sapasy jaily sūraǧyn berdı. Döŋgelek üstelge Astana qalasy mäslihatynyŋ deputaty Asqar Smaǧūlov ta qatysyp, būl maŋyzdy mäseleler qala mäslihatynyŋ otyrysynda qaralatynyn aitty.
«Belsendı ūzaq ömır süru ortalyqtary» mekemesınıŋ basşysy Mūhtar Erketaev talqylanǧan mäselelerge öz pıkırın aityp, ardagerler men zeinetkerlerdıŋ jaǧdaiyn jaqsartu boiynşa jūmys öz nätijesın beretınıne senım bıldırdı.
Manap ÄDIREŞEV,
Astana qalalyq Ardagerler keŋesı janyndaǧy mediatop müşesı
