Qalamgerdıŋ qamaly – qaşanda qalamynan tuǧan dünieler. Öşpes mūrasy da sol. Sondyqtan qalamyna adal jazuşy eşqaşan jalǧan aityp, jaltaqtyq tanytpaidy. Olar ärqaşan aqiqatty tu etedı. Ūlt aldyndaǧy, el-jūrt aldyndaǧy jauapkerşılıktı aiqyn sezınedı. Sol üşın janyn azapqa salady. Sonysy, bälkım, özıne taiaq bolyp tier, bıraq bügınınen būryn erteŋın oilaidy. Atyna keler syndy ūmytpaidy.
Sondai tūlǧanyŋ bırı – biyl tuǧanyna 90 jyl tolyp otyrǧan belgılı jazuşy-publisist, önertanuşy, televiziia maitalmany Kamal Smaiylov. Elge qyzmetınde adaldyqtan ainymaǧan qairatkerdı jūrty da ūmytpaidy. Almaty qalasyndaǧy T.Jürgenov atyndaǧy qazaq ūlttyq öner akademiiasynda ötken ǧylymi-praktikalyq konferensiia – sonyŋ dälelı.
Būl şaraǧa Prezident Qasym-Jomart Toqaevtyŋ keŋesşısı Bauyrjan Omarov qatysyp, Memleket basşysynyŋ konferensiia qatysuşylaryna arnaǧan qūttyqtau hatyn oqyp berdı. Konferensiiada Eŋbek Erı, Smaiylovtyŋ töl qūrdasy Töregeldı Şarmanov, aqyn Oljas Süleimenov, jazuşy, dramaturg Smaǧūl Elubai bastaǧan ziialy qauym ökılderı qalamger jaiynda estı estelıkter aitty. Osy küngı oryn alǧan eŋ basty jaŋalyq – öner akademiiasyndaǧy kinozalǧa Kamal Smaiylovtyŋ esımı berılgenı. Qairatker atyndaǧy kinozalda jazuşynyŋ är jyldary tüsken suretterınen fotokörme ūiymdastyryldy.
Qalamger Kamal Smaiylov degende Halyq jazuşysy Şerhan Mūrtaza ekeuınıŋ kezınde eldık mäselenı jeter jerıne deiın qauzap, oi tolǧaǧan hattar eske tüsedı. Qazaq publisistikasynda erekşe formasymen oryn alǧan osy jazbalardyŋ özı ǧylymi tūrǧyda zertteudı qajet etedı. Öitkenı qos qalamger özektı mäselelerdı qozǧaǧan hattarynda eldıŋ erteŋıne qatysty oi-tolǧamdaryn tolǧaǧan.
Kamal Smaiylov qai salada eŋbek etse de, janyn salyp jūmys ıstedı. «Qazaqfilm» kinostudiiasyn basqarǧan jyldary ol kısınıŋ qolynan qazaq klassikasyna ainalǧan aituly filmder düniege kelgenı mälım. «Qyz Jıbek», «Transsıbır ekspresı», «Taqiialy perışte», «Kökserektı» qazaq kino qoryndaǧy ülken qazyna desek, artyq aitqandyq emes
Kamal Smaiylov qai salada eŋbek etse de, janyn salyp jūmys ıstedı. «Qazaqfilm» kinostudiiasyn basqarǧan jyldary ol kısınıŋ qolynan qazaq klassikasyna ainalǧan aituly filmder düniege kelgenı mälım. «Qyz Jıbek», «Transsıbır ekspresı», «Taqiialy perışte», «Kökserektı» qazaq kino qoryndaǧy ülken qazyna desek, artyq aitqandyq emes.
Aitary bar, öner jäne ädebiette aitqany kesımdı sözge ainalǧan ǧalymdar qatysqan halyqaralyq ǧylymi-praktikalyq konferensiiada Kamal Seiıtjanūlynyŋ qaita basylǧan kıtaptary tanystyryldy.
Qairatker qai qyzmette jürmesın özınıŋ jankeştılıgınıŋ arqasynda talai ıstı örge basqyzdy. Üş bırdei – Kinematografister, Jazuşylar jäne Jurnalister odaǧynyŋ müşesı bolǧan Kamal Smaiylovtyŋ eŋbekterı – zertteuge sūranyp tūrǧan taqyryptar. Mıne, sondyqtan önertanuşynyŋ 90 jyldyǧyna orai «Qazaqstan» teleradiokorporasiiasy da televiziialyq «Jalyn» jastar konkursyn jariialaǧan bolatyn.
Konkursqa ūsynylatyn eŋbekterdı qabyldau merzımı 30 säuırde aiaqtalady. Jas şekteuı de osy – 30. Mamandar jastar tüsırgen filmder men siujetterdı saralap, qorytyndysyn küzde şyǧarady. Osy kezde studentter men jastardyŋ «Bastau» kinofestivalı ūiymdastyrylyp, jeŋımpazdar anyqtalmaq.
Baǧdagül RAHMETQYZY
