Nūr-Cūltan qalasynyŋ jastardy qoldau ortalyǧynyŋ ūiytqy boluymen «Üzdık» jobasy aiasynda avtokölıktıŋ döŋgelegın bölşekteu jäne montajdau boiynşa saiys öttı.
Ǧ.Mūstafin köşesı №48 nysanyndaǧy kölık jöndeu alaŋynda ötken ıs-şaraǧa 6 komanda qatysyp, kölıktıŋ döŋgelegın şeşu jäne salu, sondai-aq tepe-teŋdıgın teŋestıru boiynşa jarysty.
Üzdıkterdı anyqtaityn saiysty aşqan Jastar resurstyq ortalyǧynyŋ jetekşı Şyŋǧys Tıleulin:
– NEET sanatyndaǧy jastardy qoldau jobasy «Nūr-Cūltan qalasynyŋ Jastar saiasaty mäselelerı basqarmasy» MM qoldauymen ıske asuda. Joba aiasynda jeke jäne käsıbi qasietterdı damytu boiynşa oqytu seminar-treningterı, şeberlık synyptary ötkızılude. Kompiuterlık sauattylyq negızı, baǧdarlamalau kursy, SMM, kopiraiting, Social Media Marketing-menedjer, zamanaui qoǧam köşbasşysy jäne t.b. qysqa merzımdı oqytu baǧdarlamasyn ūiymdastyryp kelemız. Mausym aiynda bastalǧan «Üzdık» joba aiasynda santehnik, aǧaş ūstazy, aspazşy jäne t.b. boiynşa üzdıkterdı anyqtap, jastardy tehnikalyq mamandyqtarǧa qyzyǧuşylyǧyn arttyruǧa män berudemız, – dedı.
Nūr-Sūltan qalasynda 223 myŋ jastar bolsa, sonyŋ 7 paiyzy – NEET sanatyndaǧy jastar. Sondai jastardy äleumettendıru jäne yntalandyru maqsatynda mamandyqtardyŋ maŋyzyn tüsındırıp, käsıp türlerın meŋgeruge jaǧdai jasau maŋyzdy mındet sanalady.
Is-şaranyŋ ötuıne demeuşılık körsetken «Alem Avto Trade» JŞS äkımşı Timur Särsenbaiūlynyŋ sözınşe, belgılı käsıp türın meŋgergen jastardyŋ täjıribesın şyŋdauda türlı deŋgeidegı saiystardy ötkızu maŋyzdy. Osy sebeptı jas döŋgelek jöndeuşılerdıŋ saiysyna ötkızudı qarjylai qoldapty.
Elde jeŋıl kölıktıŋ sany artyp, olarǧa sapaly qyzmet körsetetın servistık ortalyqtarǧa sūranys artty. Sodan bolar, bas şaharda avtokölıktı jöndeitın TJO men döŋgelekterdı bölşekteu jäne montajdaityn ortalyqty köptep tabuǧa bolady. Demek jastarǧa avtokölıktı jöndeitın ortalyqtarda jūmys ıstep, tabysyn arttyruǧa äbden bolady.
Saiysqa qatysuşylardyŋ jūmysyn baǧalaǧan Serık Kepebaev:
– Nūr-Sūltan qalasynda 500-ge juyq kölık döŋgelegın jöndeitın ortalyq bar. Sonyŋ ışınde 6 komanda qatysuǧa bel bailady. Bız qatysuşylardyŋ kölıkten döŋgelektı şeşu men salu, sondai-aq tepe-teŋdıgın teŋestırudegı jyldam jūmysyna jäne sapasyna köŋıl bölıp, «Üzdık» jobasynyŋ jeŋımpazyn anyqtaimyz. Üzdık maman servistık qyzmet sapasyn arttyrady, – dep tüsındırdı.
Qatysuşylar arasynda 19-29 jas aralyǧyndaǧy jastar boldy. Sonyŋ bırı – «Protektor» komandasynyŋ müşesı Maksim Tabaşinko. Ol döŋgelek jöndeu salasynda 7 jyldan berı eŋbek etetının, alaida jarysqa bırınşı ret qatysyp tūrǧandyqtan qobaljuly ekenın aitty.
Nūrlat BAIGENJE
