Künsaiyn Quanyşqyzy Nūr-Sūltan qalasy «Binom School» mektep-liseiınıŋ 6-synybynda oqidy. Ekı jasynan bastap jyr jattaǧan. 5 jasynan bastap «Şalqar» radiosyndaǧy «Önerlı ören» baǧdarlamasyn jürgızıp keledı.
«Alǧaş ret ülken sahnaǧa 4 jasymda şyǧyp, Abai öleŋderın oqydym. Jalpy öleŋdı mänerlep oqudy jaqsy köremın. Osyny äkem men anam baiqap, özderı baulydy. Keiın «Önerlı ören» baǧdarlamasynda qaladaǧy talantty balalarmen sūhbattasatynbyz».
Künsaiynnyŋ YouTube kanaly bar. Ol oqyǧan ertegılerın, öleŋderdı öz dauysymen tyŋdarmandaryna jariialap otyrady. 2019 jyly Abaidyŋ 175 jyldyǧy kezınde «Älem tanyǧan Abai» jobasynda 18 qara sözın aǧylşyn tılınde jatqa aityp, I oryndy ielengen.
«Äkemnıŋ ideiasymen Abai atamyzdyŋ qara sözderın aǧylşyn tılınde oqydym. Söitıp, estafetany jalǧastyrdym. Aǧylşyn tılınde jattau üşın şamamen 2 aidai uaqyt jetkılıktı boldy. Ony YouTube kanalyma saldym. Öte ülken qoldauǧa ie boldy».
Künsaiyn – jan-jaqty oquşy. Bos uaqytynda ol anasynan qūraq qūrau, kiım tıgudı üirenedı. Sondai-aq än aityp, suret salady. Dombyra üiırmesıne qatysqan. Özı ssenarii jazǧan «Menıŋ bäiteregım», «Siqyrly täj» qysqametrajdy filmderı jüldege ie bolǧan.
«Abai Qūnanbaev, Jūmeken Näjımedenovtıŋ öleŋderın oqimyn. Prozadan görı poeziia janyma jaqyn. Ruh beretını ras. Sahnaǧa şyqqan keibır sätterde öleŋnıŋ äserınen tebırengen kezderım boldy».
Künsaiynnan esımınıŋ erekşelıgın sūraǧan edık. Sebebı erekşe esım bärımızdı de taŋǧaldyrdy.
«Äkemnıŋ aituynşa, esımımdı Qadyr Jūmahanūly degen sözge şeşen aǧai qoiypty. Esımım özıme ūnaidy. Ärı äkemnıŋ atymen qatar ataǧan kezde keremet üilesım tabady. Al sıŋlımnıŋ aty – Küngei. Öz atyma ūiqastyryp men qoidym. Küngei Mūqajanūly degen jazuşy bolǧan. Üige qonaqtar kelgende osy kısı turaly aityp otyrǧany esımde qalyp qoiypty».
Synyp jetekşısı Aidana Jünıstıŋ aituynşa, Künsaiyn sabaq oqumen qatar, mektepte ötetın şaralarǧa da belsendı qatysady.
«Künsaiyndy pän mūǧalımderı ünemı maqtap otyrady. Tek sabaq oqumen emes, şyǧarmaşylyq jūmystardy da atqarady. Körkemsöz oqu şaralaryna jiı qatysady. Bırde «Söile» oqyrmandar klubymen ötkızgen şarada Künsaiyn qatty qobaljydy. Täuelsızdık turaly öleŋ oqyǧan kezde tolqyǧannan jylap qalǧan sätı de boldy. Künsaiynǧa qarasam, özımnıŋ oquşy kezımdı köremın. Synypta öte belsendı ärı top basşysy. Sabaq ülgerımı üzdık. Ata-anasy ünemı bızben bailanysta ärı kez kelgen ısımızge qoldau berıp otyrady».
Künsaiynnyŋ äkesı Quanyştyŋ aituynşa, kışkentaiynan bastap jattau qabıletı erekşe bolǧan.
«Künsaiyndy kışkentaiynan bastap aqyndar aitysyna, kıtaphanaǧa, türlı kezdesulerge, konsertterge jiı apardyq. Demalys künderı özı ūnatqan kıtaptardy alyp beretınbız. Söitıp, ony bırge üide talqylaitynbyz. Sol da äser ettı dep oilaimyn.
Ünemı qozǧalysta jürgendı, bırdeŋemen ainalysqandy ūnatady. Anasy qolöner şeberı bolǧandyqtan bolar, qyzym da osy salaǧa jaqyn. Būdan bölek, tıl üirenuge qatty qyzyǧady. Bolaşaq armany – jurnalist bolu. Diktor Sauyq Jaqanovany ülgı tūtady. Sol kısıdei bolsam dep armandaidy. Kez kelgen bastamasyn qoldauǧa ärı damytuǧa ärqaşan da daiynbyz».
Aizada Jaiyqqyzy
