«Han şatyr» sauda-oiyn-sauyq ortalyǧynda Astana qalasy Tılderdı damytu basqarmasynyŋ ūiymdastyruymen dästürlı «Üzdık äleumettık jarnama» qalalyq konkursynyŋ jeŋımpazdaryn marapattau saltanaty öttı.
Qazır älem nazaryn audaryp otyrǧan «EKSPO-2017» mamandandyrylǧan halyqaralyq körmesı ötıp jatqan kezde qala köşelerındegı syrtqy jarnama men körnekı aqparat mätınınıŋ ūlttyq tılmen baiytylyp, sauatty da körkem bezendırıluı asa maŋyzdy. Osyǧan orai, konkurs ta basqa qyrynan körınıp otyr.
«Elbasynyŋ «Bolaşaqqa baǧdar – ruhani jaŋǧyru» baǧdarlamalyq maqalasynan tuyndaityn mındetterdı negızge ala otyryp, biyl ıs-şarany basqaşa ūiymdastyruǧa şeşım qabyldadyq. Mūndaǧy basty erekşelık – oǧan qatysuşy jarnama agenttıkterı men kompaniialary jyldaǧydai öz önımderın köpşılıktıŋ nazaryna ūsynbady. Kerısınşe, qūramyna qazylar alqasy engen arnauly jūmys toby qaladaǧy eluge tarta jarnama agenttıkterı men kompaniialarǧa baryp, şyǧarǧan önımderımen jan-jaqty tanysyp, sol jerde jūmystaryn baǧalady» deidı Astana qalasy Tılderdı damytu basqarmasynyŋ bas mamany Aigül İmanǧali.
Sonymen, konkursqa qatysqan qyryq üş käsıporynnyŋ arasynan – «Astana Körkem», «YQYLAS», «ORDA Advertisinc», «BAQorda media», «ZOOM» jäne «Profi DM» jarnama agenttıgı jeŋımpaz dep tanyldy.
Jeŋımpazdarǧa diplom men eskertkış syilyqtar tapsyryldy.
Taŋatar Töleuǧaliev
