«27 mausymda Milanda qazaqstandyq-italiialyq biznes forumy aiasynda Astana qalasy äkımınıŋ orynbasary Nūräli Äliev İtaliia önerkäsıbı ökılderımen jäne Vengriia basşylyǧymen yntymaqtastyqty odan ärı nyǧaitu jönındegı bırneşe kezdesu ötkızdı» dep habarlady qala äkımınıŋ baspasöz qyzmetı.
Kezdesude Qazaqstan maşina jasauşylar odaǧy, italiialyq «ANIMA» maşina jasauşy jäne önerkäsıp assosiasiialary federasiiasy men Astana qalasynyŋ äkımdıgı arasynda maşina jasau jäne önerkäsıptık öndırıs salalaryndaǧy özara yntymaqtastyq turaly üş jaqty kelısımge qol qoiyldy. Atalǧan kelısım şeŋberınde Astananyŋ industriialy aimaqtaryn damytu közdelgen. Būl elordaǧa tıkelei şetel investisiialaryn tartady.
Sondai-aq, 29 mausymda Budapeşt qalasynyŋ meriiasynyŋ şaqyruymen Nūräli Äliev Vengriia astanasyna bardy. Resmi sapar barysynda N.Äliev Budapeşt merınıŋ orynbasary Gabor Bagdimen kezdestı. Taraptar ekı astananyŋ urbanistikalyq damu, äsırese, qoǧamdyq kölık salasynda yntymaqtastyqty keŋeitu, «Smart city» innovasiialyq tehnologiialaryn, sondai-aq, aqyly kölık tūraqtaryn damytu jönındegı köptegen mäselelerdı talqylady.
Sonymen qatar, N.Äliev Vengriianyŋ Ūlttyq ekonomika ministrı Mihai Vargamen kezdestı. Kezdesude venger kompaniialarynyŋ «Astana EKSPO-
2017» halyqaralyq mamandandyrylǧan körmesıne qatysu mäselesı talqylandy. Taraptar būǧan deiın qol jetkızılgen auyl şaruaşylyǧyndaǧy jobalardy qarjylandyrudyŋ bırlesken qoryn qūru
turaly kelısımderdı ıske asyru, qalany sumen jabdyqtau, qosalqy bölşekter şyǧaru, jihaz jasau jäne basqa da salalarda yntymaqtastyq ornatu mümkındıkterın qarastyrdy.
Būǧan qosa, N.Äliev ūlttyq damu ministrı Mikloş Şestakpen ekı jaqty kezdesu ötkızdı. Kelıssözder barysynda Şestak myrza Vengriianyŋ Astanadaǧy «EXPO-2017» körmesıne qatysatynyn jetkızdı. Taraptar joǧary tehnologiialar, energetika, kölık salalarynda yntymaqtastyq ornatu keleşegın, venger aqyly joldar jüiesın paidalanu, sondai-aq, «Nūrly jol» memlekettık baǧdarlamasy aiasynda Qazaqstanda infraqūrylymdyq jobalardy jüzege asyru jaiyn söz ettı.
