Keşegını ūmytpai, ünemı eske alyp otyrsaq, bügıngını baǧalap, aldaǧyny ardaq tūtarymyz anyq. Ärı bız üşın eŋ basty maqsat tynyştyq, tūraqtylyq, tatulyq desek, ainalamyzda bolyp jatqan oqiǧalardy jıtı qadaǧalap, tiıstı oi tüiıp otyruymyz maŋyzdy.
Būl rette Qytai astanasy Beijıŋde ötken «Bır beldeu, bır jol» halyqaralyq yntymaqtastyq forumyn soŋǧy aptanyŋ ırı oqiǧasy retınde qabyldaǧan jön. 29 memlekettıŋ basşysy qatysqan märtebelı jiyn alpauyt memleketterdıŋ qazırgı teketıres jaǧdaiynda halyqaralyq ahualdy jaqsartuǧa igı äser etedı dep kütılude. Mäselen, Qytai basşysy Si Szinpin Euraziiada ejelgı Jıbek jolyn jaŋa, zamanaui formatta qaita jandandyru ideiasy älemde beleŋ alyp kele jatqan saiasi, ekonomikalyq, gumanitarlyq daǧdarystarǧa berılgen uaqytyly jauap dese, Prezident N.Ä.Nazarbaev «Bır beldeu, bır jol» bastamasy jaŋa ekonomikalyq paradigma qalyptastyruǧa mümkındık beretının ärı onyŋ tabysty ıske asuy 4,4 milliard adam tūrǧyndy qamtityn elderge paida äkeletının, Qazaqstannyŋ qūrlyq elderı arasyndaǧy tatu körşılık qatynastardy nyǧaitudy belsendı türde jaqtaitynyn erekşeatap öttı. Osy maqsatta Elbasy bırqatar memleketterdıŋ köşbasşylarymen kezdesu ötkızdı. Resei Prezidentı Putinmen jäne Türık Respublikasynyŋ Prezidentı
Erdoǧanmen äŋgımelesıp, taiauda Astanada ötken Siriia jönındegı kelıssözderdıŋ qorytyndylary söz boldy. Taiip Erdoǧan Astana prosesınıŋ nätijelerıne toqtala kele, Siriia mäselelerı jönındegı dialogty Jenevada jalǧastyru üşın onyŋ maŋyzdy bolǧanyn atap öttı.
N.Nazarbaev, sondai-aq, BŪŪ Bas hatşysy Antoniu Gutterişpen äŋgımelestı. Äŋgıme barysynda ol Şanhai yntymaqtastyq ūiymynyŋ Astanada ötetın sammitıne qatysu nietı bar ekenın rastady.
Älem Donald Tramptyŋ AQŞ prezidentı retındegı 100 künı ötken soŋ bastaǧan şetelge alǧaşqy saparyna nazar audaruda. Sapar barysynda ol Saud Arabiiasyna, İzrailge, Vatikanǧa soǧady. Kezdesuler Taiau Şyǧystaǧy Aq üidıŋ ūstanymyna eleulı özgerıster engızıp, halyqaralyq yntymaqtastyqty nyǧaituǧa baǧyttaidy degen ümıt ūialatady. Taiauda ötken inaugurasiiadan soŋ Fransiianyŋ resmi prezidentı qyzmetıne kırısken Emmanuel Makron kezınde äskeri boryşyn ötemegendıkten, Besınşı Respublika tarihynda alǧaş ret äskeri täjıribesı joq bırınşı bas qolbasşy bolyp otyr, al būl jait biyl 40 jasqa tolatyn jaŋa prezidenttıŋ jaŋaşa saiasaty da beibıt bastamalarǧa ǧana jol aşady dep aituǧa negız bola alatyndai.
Degenmen halyqaralyq qarym-qatynasta yzǧardyŋ betı älı qaitar emes.
14 mamyr künı Phenian «Hvanson-12» ballistikalyq raketasyn ūşyryp, osy eldıŋ basşysy Kim Chen Yn «AQŞ pen onyŋ jaqtastary Soltüstık Koreiaǧa qatysty dūrys taŋdau jasamasa, synaq odan ärı jalǧasa beretının» mälım ettı. Al beitarap saiasat ūstanatyn Finliandiia Soltüstık atlantika aliansyna kıruge şeşım qabyldaǧanyn habarlady. Būǧan Euroodaqtyŋ eŋ myqty ärı bai elderınıŋ bırı sanalatyn Avstriiada ükımet daǧdarysy oryn alǧanyn qosyŋyz.
Kenjebolat Joldybai,
saiasattanuşy
