Memleket basşysy Qasym-Jomart Toqaev Düniejüzılık keden ūiymynyŋ (DKŪ) Bas hatşysy Kunio Mikuriiany qabyldady. Prezident Qazaqstan Düniejüzılık keden ūiymynyŋ belsendı müşesı retınde yntymaqtastyqqa erekşe köŋıl böletının aityp, ūiym basşysynyŋ elımızge körsetken qoldauy üşın rizaşylyǧyn bıldırdı.
Qasym-Jomart Toqaev pandemiia kezınde elımızde ūlttyq ekonomika men halyqaralyq saudany qoldau jönınde keşendı jūmystar jürgızılıp jatqanyna toqtalyp, būl jūmystar qarqyn ala tüsetının jetkızdı. Kunio Mikuriia Prezidentke qabyldaǧany üşın alǧys bıldırıp, Qazaqstandy Ortalyq Aziiadaǧy köşbasşy el dep atap öttı. DKŪ basşysy Türkıstan qalasyndaǧy kedendık infraqūrylym nysandaryn aralaǧanyn aityp, jaŋa äuejaidyŋ kedendık resımdeu prosesın joǧary baǧalady. Kunio Mikuriia oblys ortalyǧynyŋ «Şyǧys-Batys» baǧytyndaǧy tranzittık äleuetınıŋ maŋyzdy ekenıne toqtaldy. Bas hatşy Qazaqstandaǧy keden salasynyŋ aitarlyqtai jetıstıkke jetkenın atap öttı. Sonymen qatar Bas hatşy Qazaqstannyŋ elektrondy kedendık deklarasiialau räsımı men «bır tereze» qaǧidatyn engızu täjıribesı ūiymǧa müşe köptegen elder üşın ozyq ülgı bola alatynyn aitty. Taraptar kezdesu soŋynda keden salasyndaǧy yntymaqtastyqty jan-jaqty damytuǧa kelıstı.
