Astanada Dın ısterı jäne azamattyq qoǧam ministrı Nūrlan Ermekbaevtyŋ töraǧalyǧymen dın salasyndaǧy memlekettık saiasattyŋ qazırgı taŋdaǧy negızgı basymdyqtary men basty mındetterı turaly jiyn bolyp öttı.
Basqosuǧa öŋırlık dın ısterı basqarmalary men dın problemalaryn zertteu ortalyqtarynyŋ basşylary qatysty.
Nūrlan Ermekbaev öz baiandamasynda halyq arasynda aqparttyq-tüsındıru jūmystaryn jürgızudıŋ tiımdılıgın arttyru qazırgı taŋda maŋyzdy mäselelerdıŋ bırı bolyp tabylatynyna nazar audardy.
Sosiologiialyq zertteulerdıŋ nätijelerı boiynşa saualnamaǧa jauap beruşılerdıŋ 30% jergılıktı jerde jürgızılıp jatqan aqparattyq-tüsındıru, äsırese jastar arsyndaǧy jūmystardyŋ tiımdılıgın jetkılıksız dep baǧalady.
Sondyqtan memlekettık-konfessiialyq qatynastardy nyǧaitu, memlekettıŋ zaiyrly qaǧidattaryn jyljytu jäne dındı destruktivtı maqsatta paidalanuǧa jol bermeu üşın ortalyq jäne jergılıktı atqaruşy organdardyŋ jäne azamattyq qoǧam instituttarynyŋ bırlesken küş-jıgerın şoǧyrlandyru qajet.
Sonymen qatar, halyqtyŋ maqsatty toby arasynda Dın salasyndaǧy memlekettık saiasattyŋ 2017-2020 jyldarǧa arnalǧan tūjyrymdamasynyŋ negızgı erejelerın jäne qoldanystaǧy zaŋnamanyŋ normalaryn keŋınen tüsındıru qajet.
Sondai-aq, ministr aldyn alu jäne atauly jūmystardy ūiymdastyru barysynda kelısılgen jäne bırızdendırılgen täsılderdı äzırleudı tapsyrdy.
Jastardyŋ ūiymdaspaǧan toby arasynda aldyn alu jūmystaryn küşeitu, ötkızılıp jatqan ıs-şaralarǧa jastardyŋ qyzyǧuşylyqtaryn arttyru, olarmen jūmys ısteu barysynda innovasiialyq ädıster men täsılderdı qoldanu qajet.
Otyrys aiasynda Atyrau, Şyǧys Qazaqstan jäne Qaraǧandy oblystary dın ısterı basqarmalary basşylarynyŋ eseptık aqparaty tyŋdaldy.
Nätijelı pıkır almasular bolyp, jergılıktı jerlerde tüsındıru jūmystarynyŋ sapasyn jaqsartu boiynşa ūsynystar berıldı.
Dın salasyndaǧy tüsındıru jūmystary öte qajet nərse. Sebebı, dın salasy öte nəzık məselelerge toly. Jastarymyzdyŋ bolaşaǧy, elımızdıŋ elımızdıŋ erteŋı üşın qajettı ıs-şaralar.