El Täuelsızdıgınıŋ 30 jyldyǧyna orai Nūr-Sūltanda jyl basynan berı ötkızılıp kele jatqan «30 igı ıs» şarasy aiasynda elordalyq erıktıler jalǧyzbasty zeinetkerler üilerınıŋ qaryn tazalauǧa kömektestı.
«Bız qardy tazalau boiynşa aksiia ūiymdastyrdyq, ony bırneşe jyldan berı tūraqty türde ötkızıp kelemız. İgı ıs-şara el Täuelsızdıgınıŋ 30 jyldyǧyna orai «30 igı ıs» aksiiasy aiasynda ötkızıledı. Bız qart adamdarǧa, jalǧyzbasty analarǧa, köpbalaly otbasylarǧa aulalaryn qardan tazartuǧa kömektesemız. Bız barlyq erıktılerdı, jastardy aksiiaǧa qosyluǧa jäne igı ıster jasauǧa şaqyramyz» dedı «Astana jastary» KMM ǦTK sanatyndaǧy jastarmen jūmys bölımınıŋ basşysy Älfarabi Aimaq.
Erıktıler mūndai ıs-şaralar adamdarǧa quanyş syilap, olardyŋ jalǧyz emes ekenın sezınuıne äser etedı, sonymen qatar būl jastardy meiırımdılıkke, aǧa ūrpaqqa köŋıl böluge jäne sezımtaldyqqa tärbieleidı deidı. Osylaişa jastar mügedektıktıŋ üşınşı tobyna jatatyn jalǧyzbasty zeinetker Raida Miftahovanyŋ aulasy men üiıne deiıngı joldardy qardan tazartty. «Kömekterıŋız üşın köp raqmet. Men erıktılerge, jastarǧa jäne barlyq beijai qaramaityn jandarǧa sızderdıŋ meiırımdı jürekterıŋız ben bızge körsetken kömekterıŋız üşın jäne jalǧyz qaldyrmaǧandaryŋyz üşın alǧys aitamyn» dedı zeinetker.
