Sūltan ORAZALY,
jazuşy, qoǧam qairatkeri:
SYN JANRYNYŊ SERKESI DEP BILEMIN
Özim ädebietşi bolǧan soŋ, osy aptanyŋ basty oqiǧasy dep, akademik Serik Qirabaevtyŋ 85 jyldyq mereitoiy aiasynda ötkizilip jatqan ǧylymi şaralardy aitar edim.
Astanada, Almatyda köptegen basqosular ūiymdastyryldy.
Serik Qirabaev – qazaq ädebi synynyŋ köşbasynda kele jatqan adam. Sonau 50-jyldardan beri bizdiŋ ädebi prosesterdi barynşa taldap, talqylap, ǧylymi-zertteu jūmystarymen qosa syn janryn da qatar alyp kele jatqan jan. Būl – ädebiettegi eŋ auyr, eŋ kürdeli janr.
Qazir kitap basu isi ilgerilep ketti ǧoi. Şaldyr-şatpaq düniesin kim köringen kitap etip basyp şyǧaryp, ūialmastan «mynau meniŋ jazǧanym» dep äldeǧandai bolyp jür. Osyndailardy sabasyna tüsiretin ädebi tez bolmasa, syn janryn süirep kele jatqan Sekeŋder bolmasa, qazaq ädebietiniŋ damuy ekitalai edi.
Sondyqtan, būl toi bir adamnyŋ mereitoiy ǧana emes, ädebiette sol kisimen qatar eŋbek etken Beisenbai Kenjebaev, Temirǧali Nūrtazin, Aiqyn Nūrqatov, Rahmanqūl Berdibaev sekildi iri ǧalymdar men synşylardy eske alatyn kün.
Bükil ädebietimizdiŋ toiy.
Ädebi ǧylymi eŋbekterdiŋ merekesi dep esepteimin.
