«Nūr-Sūltan – tūrǧyndarǧa jaily» qala baǧdarlamasy aiasynda elordada jaŋadan paida bolǧan qoǧamdyq keŋıstıkter köbeiıp jatyr. Sonymen qatar tūrǧyn üi aulalary men saiabaqtardy abattandyru jūmystaryna erekşe maŋyz berılıp, qala kelbetı körkeie tüsken. Būl özgerıster qala tūrǧyndarynyŋ köŋılın de köterıp otyr. Künı keşe elordanyŋ Köktal-1 tūrǧyn alabynda paidalanuǧa berılgen jaŋa saiabaq ta köpşılıktıŋ süiıktı demalys ornyna ainalary sözsız.
«Nūr-Sūltan qalasynda elorda tūrǧyndary men qonaqtary bos uaqytyn tiımdı ötkıze alatyn oryndar sany artyp keledı. Biyl qauıpsız jäne jaily qoǧamdyq keŋıstıkter bırneşe ese köbeidı. Saryarqa audanyndaǧy Köktal-1 eldı mekenınde 16 gektarǧa juyq saiabaq aşyldy. Jaŋa keŋıstık üş ülken aimaqqa bölıngen. Barlyq aimaqtardy qysta da paidalanuǧa bolady» dep jazdy Nūr-Sūltan qalasynyŋ äkımı Altai Kölgınov özınıŋ instagram paraqşasynda.
«Nūr-Sūltan – tūrǧyndarǧa jaily qala» baǧdarlamasynyŋ master-jospary aiasynda qalany körkeituge baǧyttalǧan köptegen jobalardy jüzege asyru közdelgen.
