QHP töraǧasy, Parlament Mäjılısı deputattyǧyna kandidat Ermūhamet Ertısbaev pen partiia müşelerı İrina Smirnova men Asylbek Nūralin Öskemendegı GES pen oblystyq IID qarasty emhana ūjymymen kezdestı.
Spikerler partiianyŋ sailaualdy baǧdarlamasynyŋ basym baǧyttaryn tılge tiek ettı.
Partiia töraǧasy jer jäne jer qoinauy halyqqa tiesılı bolu kerek degendı erekşe atap öttı.
– Bız elımızdıŋ ärbır azamatyna ūlttyq bailyqty qaitaru tetıgın ıske qosuǧa qol jetkızuımız kerek. Mäjılıs qoǧamdyq müddenı bıldıretın barlyq oqiǧalarǧa parlamenttık tergeu jürgızu qūqyǧyna ie boluǧa tiıs. Osylaişa bız halyqtyŋ obektivtı aqparat alu qūqyǧyn qamtamasyz etemız. Respublikalyq biudjettıŋ atqaryluyn tekseru ökılettıgı bar Auditorlyq palata Mäjılıs qūramyna kıruı tiıs. Baqylau funksiiasy senımdı aqparatty qalpyna keltıru üşın qajet. Sebebı ükımettıŋ qazırgı esep beru täsılı syrǧytpa jauap tärızdes, – dedı ol.
Partiia töraǧasynan soŋ söz alǧan spikerler auyldyq okrug äkımderın ırıkteu kriteriilerıne qatysty jergılıktı özın-özı basqaru turaly zaŋdy özgertudı talap etetının aityp, käsıporyndy zaŋsyz jekeşelendıru nemese özge de qūqyqtyq jäne salyqtyq zaŋ būzuşylyqtar anyqtalǧan jaǧdaida onyŋ küşın joiyp, investor men memlekettıŋ mındettemelerın qaita esepteu qajet ekenın alǧa tartty. Olardyŋ pıkırınşe, barlyq deŋgeidegı äkımderdı tıkelei dauys beru arqyly halyq sailauy kerek. Äkım mındetın dūrys atqara almaǧan jaǧdaida halyq ony kerı qaitaruy tiıs.
Partiia ökılderı eŋ tömengı jalaqy üş adamnan tūratyn otbasyn asyraudy qamtamasyz etuı kerek degen pıkırde. Būl üşın eŋ tömengı jalaqy mölşerın 140 myŋ teŋgege deiın jetkızu kerek.
