JAŊA ÄLEMDEGI JAŊA QAZAQSTAN
Astanada «Jaŋa älemdegı jaŋa Qazaqstan» taqyrybyndaǧy bırınşı Nazarbaev oqulary halyqaralyq forumy öttı.
51 memlekettıŋ müiızı qaraǧaidai ǧalymdary men saiasat sardarlary «jaqsynyŋ jaqsylyǧyn ait, nūry tasysyn» degen nietpen Astanaǧa at aryltyp, ädeiı keldı.
Tūŋǧyş Prezident künıne orai ūiymdastyrylǧan jiyn ǧasyr reformatory atanǧan Nazarbaevtyŋ täuelsız Qazaqstannyŋ qalyptasuy men damuyndaǧy rölın aşyp körsetuge zor mümkındık berdı.
Nazarbaev Ortalyǧynyŋ direktory Qanat Saudabaev jiynnyŋ kırıspe sözınde Qazaqstannyŋ damu joly men Nazarbaevtyŋ jasampaz qyzmetı älemnıŋ köptegen elderı üşın zertteu nysany bolyp tabylatynyn aitty. Forumǧa qatysuǧa 1500-den asa adamnyŋ ötınış bıldıruı sonyŋ dälelı bolsa kerek.
Bügınde älemge tanymal eks-prezidentter, sarapşylar men ekonomister, halyqaralyq ūiymdar men ırı kompaniialardyŋ basşylary Qazaqstan men onyŋ basşysy turaly erekşe qūrmetpen, taŋdanyspen söz etedı.
AQŞ Prezidentı Barak Obamanyŋ Nazarbaevty «älem basşylaryna ülgı bolarlyq tūlǧa» dep ataǧany bar. Pan Gi Mun, Vladimir Putin, Hu Szintao, Margaret Tetcher, Toni Bler, düniejüzınıŋ özge de belgılı saiasatkerlerı osyndai pıkırde. Öitkenı, Nūrsūltan Nazarbaev saiasi yqpaly tek jekelegen memleket şeŋberınde ǧana emes, örkeniettıŋ damuyna da äser etken Djordj Vaşington, Mahatma Gandi, Nelson Mandela, Mūstafa Kemal Atatürık, Mahathir Mohamad syndy köşbasşylar tızımın jalǧastyryp keledı.
«Adamzattyŋ damuy men jaŋa memleketter qūrudyŋ şeşuşı kezeŋderınde erekşe passionarlyq jetekşıler paida bolyp, tarihqa enıp jatady. Olar jaŋa elder täuelsızdıgınıŋ simvoly ǧana emes, ruhani, ziiatker köşbastauşy retınde de tanylady. Osyndai passionarlyq tūlǧalardyŋ qataryna, sözsız, Qazaqstan halqynyŋ älem tanyǧan köşbasşysy Nūrsūltan Äbışūly Nazarbaev jatady» dedı jiynda baiandama jasaǧan bılım jäne ǧylym ministrı Baqytjan Jūmaǧūlov.
Elımızdıŋ Memlekettık hatşysy Mūhtar Qūl-Mūhammedtıŋ teŋeuı de tegınnen-tegın aitylǧan joq. «Amerikalyqtarda ejelden qalyptasqan, frazeologiialyq ainalymda jürgen «negızın qalauşy-äkeler» atty tüsınık bar. Mūndai keremet atauǧa AQŞ memlekettık qairatkerlerı Djordj Vaşington, Tomas Djefferson, Djeims Medison, Aleksandr Gamiltondar jatqyzylatynyn bärıŋız bılesızder. Bälkım, būl mınberden men nenı meŋzegım kelıp otyrǧanymdy köpşılık tüsıngen bolar. İä, şynymen de, Nūrsūltan Nazarbaev barlyq qazaqstandyqtar üşın täuelsız Qazaqstannyŋ «negızın qalauşy-äkesı» bolyp tabylady. Būl eş artyq aitqandyq emes» dedı ol.
Rumyniianyŋ eks-prezidentı Emil Konstantinesku de Elbasymyz turaly keremet pıkırlerımen bölıstı.
«Osydan 14 jyl būrynǧy uaqiǧa esıme tüsıp otyr, – dep bastady äŋgımesın, – Ol kezde men basqaratyn Rumyniia öte kürdelı ekonomikalyq kezeŋdı bastan keşırıp jatqan. 1998 jyly qyrküiekte Qazaqstan Prezidentımen kezdesudıŋ sätı tüstı. Kezdesuden bır kün būryn Nūrsūltan Nazarbaevtyŋ 1996 jyly jazǧan «XXI ǧasyr tabaldyryǧynda» atty kıtabyn oqyp şyqtym. Oqyp otyryp, tünnıŋ bır uaǧy bolǧanyn baiqamai da qalyppyn. Ädette, saiasatkerler atynan kıtap jazuǧa mamandanǧan köptegen käsıbi jazuşylardyŋ jazu stilımen jaqsy tanys bolatynmyn. Al, būl kıtaptyŋ stilı mülde bölek edı. Men özıme qajettı jaŋa keŋester, jaŋa bastamalar tapqandai boldym.
Al, resmi kezdesuden keiın Nūrsūltan Nazarbaevty kıtaphanaǧa kök şäi ışuge şaqyryp, ekeumız Jıbek Jolyn jaŋǧyrtu jaiynda ūzaq äŋgımelesken edık» dep esıne aldy.
Halyqaralyq saiasattyŋ sözdık qoryndaǧy «Qazaqstandyq jol», «Nazarbaev fenomenı» ūǧymdary älem alpauyttarynyŋ osyndai riiasyz moiyndaularynan keiın paida bolsa kerek.
Nazarbaev oqularynyŋ märtebelı qatysuşylarynyŋ bırı BŪŪ Bas hatşysynyŋ orynbasary Qasym-Jomart Toqaevtyŋ pıkırınşe, «Nazarbaev fenomenı» Europa men Aziianyŋ, ekı qūrlyqtyŋ, ekı örkeniettıŋ, ekı saiasi jüie – totalitarizm men demokratiianyŋ tüiısken tūsynda tudy.
Osy ekı türlılıktı sintezdep, demokratiialyq qūndylyqtardy qūrmettegen europalyq jäne san ǧasyrlardan kele jatqan aziialyq dästürdı sabaqtastyra otyra jürgızdı. Sol sebepten de halyqaralyq qauymdastyq Qazaqstan köşbasşysynyŋ ışkı jäne syrtqy saiasattaǧy sarabdal jolyn joǧary baǧalap, onyŋ esımın strategiialyq oilau qabıletı joǧary tarihi tūlǧalarmen qatar qoiady.
«Adamzat tarihyna qarasaq, naǧyz köşbasşy eŋ bır auyr kezeŋde, halyq basyna ülken qiynşylyqtar men auyr synaqtar kelgende tarih sahnasyna şyǧady da, sol batpandai, zılmauyrdai auyrtpalyqty moinymen köterıp şyǧady. Basqaşa aitsaq, tarihtyŋ özı osyndai tūlǧany tudyrady, al olar tarihty jasaidy. Bızdıŋ Elbasy osyndai qasietterdıŋ iesı jäne Qazaqstan tabysynyŋ tarihyn köz aldymyzda jasaǧan adam» dedı ol.
Nūrsūltan Nazarbaev saiasat sahnasynda eŋ beibıtsüigış köşbasşy retınde de tanymal. Saiasi közqaras, saiasi müdde tūrǧysynan pıkır qaişylyǧyna boi aldyryp körgen jerı joq. Onyŋ beibıtsüigıştıgınıŋ bır ǧana dälelı – Qazaqstan ǧalamdyq iadrolyq qaruǧa qarsy qozǧalystyŋ aldyŋǧy qatarynda kele jatyr.
Jiynda Qazaqstan Respublikasynyŋ IýNESKO-daǧy ökılı Oljas Süleimenov KSRO-nyŋ eks-prezidentı Mihail Gorbachevtıŋ kezınde «Nazarbaev özge prezidentterge halyqaralyq qauıpsızdıkke bailanysty kürdelı mäselenı şeşudıŋ ülgısın körsettı» degen sözın eske tüsırdı.
«Rasynda da, bügıngı taŋda Nazarbaevtyŋ poligondy jabu jönındegı şeşımı saiasi danalyq pen köregendıktıŋ naqty mysaly bola alady. Bızdıŋ respublika jappai qyryp-joiatyn qarudy taratpau jäne iadrosyz älem qūru saiasatynyŋ ülgısı bolyp tabylady» dedı ol.
Nazarbaev oqularyna qatysuşylardyŋ bırı M.V.Lomonosov atyndaǧy MMU-dıŋ rektory Viktor Sadovnichii Qazaqstannyŋ bılım salasyndaǧy serpındı ısterıne täntı ekenın jetkızdı.
Qazaqstandaǧy joǧary oqu oryndarynyŋ janynan bırneşe ǧylymi-zertteu ortalyqtarynyŋ qūryluy ǧylym men bılımnıŋ bırıguıne, nätijesınde, jastardy ǧylymnyŋ eŋ jaŋa jetıstıkterıne jūmyldyruǧa mümkındık beretının aitady.
«Nazarbaevtyŋ bastamasy boiynşa qūrylǧan L.N.Gumilev atyndaǧy EŪU men Resei Federasiiasy Prezidentı Vladimir Putinnıŋ belsendı qoldauymen aşylǧan M.V.Lomonosov atyndaǧy MMU filialy belsendı jūmys ıstep keledı. Nazarbaevtyŋ menı «MMU-dyŋ baǧbany» dep ataityny bar. Al, bızdıŋ baq – örkendeu men bılım arttyrudyŋ keremet baǧy bolary sözsız» dedı Viktor Sadovnichii.
Aty älemge äigılı, auzy dualy saiasat saŋlaqtary osylai dep oi qorytty.
1500-dei adam qatysqan forumǧa negızgı taqyryptar boiynşa 14 plenarlyq, 62 paneldık jäne 409 stendtık baiandama ırıktelıp alynypty.Oǧan qosa, «Ūlt köşbasşysy N.Nazarbaevtyŋ ǧylymi eŋbekterı men strategiialyq jobalary» atty körme ūiymdastyryldy.
Şynar DOSAN