Jaŋa kezeŋdegı qazaq tılı
Jaqynda Mädeniet jäne sport ministrlıgınıŋ ūiytqy boluymen «Jaŋa jahandyq kezeŋdegı qazaq tılı» atty IT-jobalardyŋ tanystyrylymy öttı.
Jaqynda Mädeniet jäne sport ministrlıgınıŋ ūiytqy boluymen «Jaŋa jahandyq kezeŋdegı qazaq tılı» atty IT-jobalardyŋ tanystyrylymy öttı.
Būl ıs-şarada Şaisūltan Şaiahmetov atyndaǧy «Tıl-Qazyna ūlttyq ǧylymi-praktikalyq ortalyǧy latyn negızdı qazaq älıpbiın üiretuge baǧyttalǧan zamanaui innovasiialyq tehnologiialar ūsyndy. Qatysuşylarǧa veb-portaldar men platformalar, mobildı qosymşalar, ızdestıru jüielerı, sondai-aq animasiialyq filmder, ensiklopediialyq, tanymdyq, ädıstemelık jäne anyqtamalyq veb-servister körsetıldı.
Mädeniet jäne sport ministrlıgı Tıl saiasaty komitetınıŋ töraǧasy Quat Boraşev «Qazlatyn» jobasynda köpfunsionaldy konverter jasaqtalǧanyn jetkızdı.
Tanystyrylym barysynda Qazlatyn.kz portaly arqyly «Abai joly» romany onlain konverter jüiesınde kirillisadan latyn qarpıne 6 sekundtyŋ ışınde köşırıldı. Dälırek aitqanda, «Qazlatyn.kz ūlttyq portaly paidalanuşylarǧa latyn grafikasyna köşu kezeŋderı jönındegı mälımetter men aqparattardy ūsynady. Portaldaǧy qazaq älıpbiınıŋ emle erejesı boiynşa daiyndalǧan köpfunksionaldy konverter mätındı kirillden latynǧa, töte jazuǧa jäne kerısınşe audaru qyzmetterın atqarady. Maşinalyq oqytu negızınde memlekettık tıldı üiretuge arnalǧan «Tilqural.kz veb-servisı jäne qazaq tılındegı 300 myŋnan astam sözderdıŋ sipattamasyn körsetetın elektrondy «Sozdikqor.kz ızdeu jüiesı ǧalamtor keŋıstıgıne qosyldy. L.Gumilev atyndaǧy Euraziia ūlttyq universitetınıŋ kafedra meŋgeruşısı, ǧalym Ardaq Beisenbai atalǧan jobalar turaly keŋırek aityp berdı.
Sonymen qatar ūiymdastyruşylardyŋ aituynşa, 3D formatta äzırlengen «IQdos» multfilmı men latyn älıpbiınde titr jasalyp, dubliajdalǧan «Selteŋ serı» animasiialyq filmı balalarǧa jaŋa qazaq älıpbiın jyldam üirenuge mümkındık bermek.