Almaty audany Öndırıs eldı mekenınde sport alaŋy men mümkındıgı şekteulı balalardyŋ qajettılıkterı üşın jabdyqtalǧan oiyn alaŋy aşyldy.
«Saiabaqta jaryqtandyru men suaru jüiesı tolyǧymen avtomattandyrylǧan. Sonymen qatar tūrǧyndar üşın zamanaui, jattyǧu qūrylǧylary bar sport alaŋy salyndy. Būǧan qosa balalarǧa arnalǧan oiyn alaŋy da ornatyldy» dedı Nūr-Sūltan qalasy Qorşaǧan ortany qorǧau jäne tabiǧatty paidalanu basqarmasy basşysynyŋ orynbasary Aidyn Begımbekov.
Jaŋa aşylǧan saiabaqta audan tūrǧyndarynyŋ qatysuymen senbılık öttı. 40 qaraǧai egıldı.
Endı «Nūr-Sūltan – jaily qala» jospary aiasynda elordanyŋ şet aumaǧyndaǧy bos jatqan jerler igerıletın bolady. Sol siiaqty jaramsyz eskı ǧimarattardy būzu arqyly el igılıgıne, tūrǧyndardyŋ jailylyǧyna arnalǧan alaŋqailar, saiabaqtar bırtındep aşylady.
Biyl elordada 150 aula men 50-den astam qoǧamdyq keŋıstık abattandyryldy.
