Astanalyq marafonşy Saltanat Tüitebaevtyŋ barǧan jerınen jüldesız qaitpaitynyna közımız äbden jetken. Elge kelse, aldymen «Astana aqşamy» gazetınıŋ redaksiiasyna arnaiy bas sūǧyp, aqjoltai jaŋalyǧymen bölısedı. Aqsaqal būl joly Jaŋa Zelandiiada ötken ardagerler Olimpiadasynan altyn medalmen oraldy.
Tört jylda ainalyp bır keletın ardagerler Olimpiadasy 1985 jyly Kanadanyŋ Toronto qalasynan bastau alǧan. Osy jyly būl bairaqty bäseke Oklend qalasynda jalauyn jelbırettı. Oǧan älemnıŋ 100-den astam elınen 25 myŋ sportşy qatysty.
Halyqaralyq därejedegı sport şeberı Saltanat Tüitebaev 70-74 jas sanatynda 20 şaqyrymdy 1 saǧat 42 minut 14 sekundta baǧyndyryp, qatarlastarynyŋ aldy boldy. Odan 11 minut 7 sekundqa qalyp qoiǧan jaŋazelandiialyq Grehem Şarp ekınşı keldı. Al üzdık üştıktı Kristofer Litlevud tüiındedı.
Bızdıŋ qariia mūnymen toqtalyp qoimai, araǧa bes kün salyp 10 şaqyrymdyq jarysqa qatysyp, kümıs jülde ielendı. Tartysty saiysta tek avstraliialyq sportşyǧa jol berdı.
Kelesı Olimpiada 2021 jyly Japoniiada ötedı. Saltanat ata oǧan deiın İspaniiada bolatyn Älem chempionatyna daiyndyqty bastaudy josparlap otyr eken. Dünienıŋ tört būryşyn aralap, mereiı tasyǧan aqsaqal osyndai aituly jarystarǧa qatysuyna zor qoldau körsetıp jürgen Astana qalasy Dene şynyqtyru jäne sport basqarmasynyŋ basşysy Berık Marjyqpaevqa erekşe alǧysyn bıldırdı.
Orynbek ÖTEMŪRAT
