Astana qalasy äkımdıgınıŋ şeşımımen 2016 jyldyŋ 9 qaraşasynda «Şarapat» äleumettık qyzmet körsetu ortalyǧy» bolyp özgertılgen mekemenıŋ ırgetasy 1989 jyly Selinograd oblystyq Halyq deputattary keŋesı atqaru komitetınıŋ şeşımımen «Selinograd oblysy soǧys jäne eŋbek ardagerlerıne arnalǧan internat üiı» bolyp qūrylǧan edı.
Osy mekemenı 14 jyldan berı täjıribelı maman Kenjebolat Bäpışev basqaryp keledı. Mekemede tūrǧyndardyŋ tūrmys jaǧdailaryn jaqsartuǧa bailanysty auqymdy ıster atqarylyp otyr.
Mekeme öz qyzmetın «Arnauly äleumettık qyzmettıŋ kepıldengen kölem tızımı» negızınde jäne «Stasionar jaǧdaiynda halyqty äleumettık qorǧau şeŋberınde arnauly qyzmet körsetu standarttaryna» säikes jüzege asyrady. Stasionar jaǧdaiyndaǧy aqyly kelısımşart negızınde qarttar men mümkındıgı şekteulı jaqyn tuystary bar, bıraq qiyn jaǧdaiǧa duşar bolǧan adamdarǧa arnauly äleumettık qyzmet körsetedı.
2017 jyly arnauly äleumettık qyzmet körsetudıŋ jaŋa türlerı engızıldı: aqyly negızde mūqtaj tūrǧyndar üşın kündızgı jartylai stasionar aşyldy.
Bügıngı taŋda mekemede Jūmyspen qamtu, eŋbek jäne äleumettık qorǧau basqarmasynyŋ joldauymen 321 qyzmet aluşy tūrady, onyŋ ışınde kündızgı qyzmet körsetu bölımınde – toǧyz, ekı Ūly Otan soǧysynyŋ ardagerı, on bır Ūly Otan soǧysy ardagerıne teŋestırılgender, jiyrma jetı tyl eŋbekkerı, tört quǧyn-sürgın qūrbany, I toptaǧy mügedekter – 65, II toptaǧy 71 adam bar. Qyzmet aluşylardyŋ jasy 24 jastan bastap 98 jasty qūraidy.
Mekeme ǧimaraty 5 bloktan tūrady, olardyŋ 4-euı – tūrǧynjai, besınşısı – äkımşılık, sondai-aq ashana, kır juatyn bölme, monşa-bassein, räsımdık üi, jeke jylytu qazandyǧy, avtogaraj bar. Jaryq jäne jaily bölmeler – 1 jäne 2 oryndyq. Är bölmede äjethana, duş, lodjiia, teledidar, toŋazytqyş bar, üi ışı jaǧdaiyna jaqyndatylǧan jaǧdai jasalǧan. Arbadaǧy mügedekter üşın qol tırek qūraldary jabdyqtalǧan – qosymşa tehnikalyq qūraldar, qozǧalu qyzmetı būzylǧan mügedekter üşın liftıler men pandustar qarastyrylǧan. Kerektı mūqammalmen jabdyqtalǧan äleumettık-tūrmystyq bölmeler jūmys ısteidı – mūnda elektr plitasy, teledidar, as üi garnitury, ydys-aiaq barşylyq. Būl bölmelerde telefon ornatylǧan, qyzmet aluşylar kez kelgen kezde tuys-jaqyndarymen habarlasa alady jäne kerek jaǧdaida ışkı bailanysty paidalanady.
Qazırgı mekemenıŋ qūrylymy äleumettık-tūrmystyq jäne medisinalyq qyzmet körsetuge, äleumettık-oŋaltu ıs-şaralaryn keşendı türde jüzege asyruǧa mümkındık beredı.
Äleumettık-medisinalyq kömek ambulatorlyq-emhanalyq kölemınde zamanaui apparaturamen jabdyqtalǧan.
2011 jyldan bastap qarsy körsetkışterı joq barlyq tılek bıldırgender üşın basseinde jüzu sabaqtary engızıldı. Mügedekterdı oŋaltu josparyna «Tūlpar» at-sport keşenınde jürgızıletın ippoterapiia sabaqtary engızılgen.
Äleumettık-psihologiialyq qyzmet körsetu jäne psihoemosionaldyq tūraqtylyqty qoldau men relaksasiia maqsatynda sensorlyq bölme, qūm jäne ionoterapiia bölmelerı jūmys ısteidı. Qazaqstandaǧy äleumettık salada 2004 jyly mūnda alǧaşqy pedagog-psiholog mamandyǧy engızıldı.
Qyzmet aluşylar qatysatyn «Halyqtyŋ qoldanbaly şyǧarmaşylyǧy», «Şeber qoldar», «Körkem suret salu» üiırmelerı, tıgın sehy jūmys ısteidı. Därıgerdıŋ qorytyndysy boiynşa qyzmet aluşylar tıgın sehynda, aiaq kiım jöndeu şeberhanasynda tolyq emes jūmys künı tärtıbınde eŋbek etedı.
Tūrmystyq-mädeni ıs-şaralar ötkızu üşın 250 oryndyq onlain rejimınde filmderdı köruge arnalǧan, sandyq kinoproektormen jabdyqtalǧan kinozal bar, ädebi qorda 6 myŋnan astam kıtaby bar kıtaphana jäne «tırı jandylar būryşy» – akvarium bar. Sporttyq klub öz jūmysyn jasaidy, mūnda şahmat üstelı, tennis üstelı jäne biliard bar.
Ärtürlı baǧyttar boiynşa yntymaqtastyq turaly mekeme men oqu oryndary arasyndaǧy memorandumdarǧa qol qoiylǧan. 2009 jyldan bastap «Nūr Otan» partiiasynyŋ bastauyş ūiymy qūrylyp, 55 adam partiia qūramyna müşe boldy. Şaralar keşenı «Ardagerlerdı ardaqtaiyq» partiialyq jobasy aiasynda ötedı.
2017 jyldyŋ 1 tamyzynda egde jastaǧy adamdar men I, II toptaǧy mügedekterge arnalǧan kündızgı qyzmet körsetu bölımı aşyldy. Äleumettık salany modernizasiialau maqsatynda Astana qalasynyŋ Jūmyspen qamtu, eŋbek, äleumettık qorǧau basqarmasy 2017 jyldyŋ 14 tamyzynda ekı vedomstvolyq mekemelermen bırıgıp, iaǧni Astana qalasy äkımdıgınıŋ «Şarapat» äleumettık qyzmet körsetu ortalyǧy jäne «Äleumettık qyzmet körsetu ortalyǧy» MKQK qala tūrǧyndaryna arnalǧan reabilitasiialyq bölım aşyldy, salalyq mamandar jäne därıgerlerdıŋ qarauynan keiın «Äleumettık qyzmet körsetu ortalyǧy» MKQK qyzmet aluşylary jyl ışınde mynadai proseduralarmen qamtylady: massaj, LFK, gidroterapiia, fizioterapiia, sonymen qatar sensorlyq bölme, qūm terapiiasy, mädeni ıs-şaralardy jäne sport şaralaryna qatysa alady.
Ūjymnyŋ basty jäne negızgı maqsaty astananyŋ mūqtaj azamattaryna sapaly arnauly äleumettık qyzmet körsetu bolyp tabylady.
Erkın DÄUEŞŪLY, Qazaqstan jurnalister odaǧynyŋ müşesı
