Nūr-Sūltanda köpır üstınde bolǧan jol-kölık apatynan 5 adam qaza tapty.
30 qyrküiekte tüngı saǧat 00:34-te «Toyota Camry» avtokölıgınıŋ 19 jastaǧy jürgızuşısı Esıl özenınen ötetın köpırden Saraişyq köşesıne qarai jürıp kele jatyp, jyldamdyq rejimın saqtamaǧan. Sonyŋ saldarynan ol rölge ie bola almai, joldyŋ qarsy jolaǧyna şyǧyp ketıp, Nexıa Ravon avtokölıgımen soqtyǧysqan. Jol apatynan 5 adam qaza tauyp, 1 adam zardap şektı. Oqiǧa ornynda 2 jürgızuşı jäne taǧy 3 jolauşy mert boldy jäne «Toyota Camry» avtokölıgındegı 18 jasar jolauşy qyz auyr halde qalalyq auruhanaǧa jatqyzylǧan, nauqastyŋ omyrtqasy synǧan jäne travmatikalyq şok alǧan. Oǧan şūǧyl ota jasalǧan. Zardap şeguşı älı de auyr hälde jatyr.
Departamenttıŋ mälımetınşe, atalǧan faktı boiynşa QR QK 345-baby 4-tarmaǧyna («Kölık qūraldaryn basqaratyn adamdardyŋ jol qozǧalysy nemese kölık qūraldaryn paidalanu erejelerın būzuy») säikes qylmystyq ıs qozǧaldy.
