Elordada byltyr aşylǧan «Janūia» otbasy institutyn qoldau ortalyǧy qaladaǧy otbasylarǧa qūqyqtyq, psihologiialyq jäne äleumettık kömek körsetedı. Aşylǧan künnen bastap ortalyqqa 64 636 sūraq boiynşa 36 169 adam habarlasqan. Sol adamdar tarapynan aitylǧan 53 595 mäselege qatysty jüielı keŋester berılse, 11 041 mäselenı şeşuge şaralar qabyldanypty.
Ortalyq mamandarynyŋ mälımdeuınşe, ötınış bıldırgenderdıŋ 60%-y atauly äleumettık kömek taǧaiyndau (35 175), 8%-y tūrǧyn üi (5 051), 5%-y käsıpkerlık (2 652), 4%-y zaŋ kömegı (2044), 4% -y jūmyspen qamtu jäne basqa da sūraqtardy kötergen. Mäselelerdıŋ basym köpşılıgın şeşuge şaralar qabyldandy. Sonymen qatar atauly äleumettık kömek taǧaiyndauǧa qūjattar daiyndalyp, Bıryŋǧai jinaqtau qorynyŋ qyzmetterı men tūrǧyn üi mäselelerıne, jūmysqa ornalasuǧa qatysty jäne qūqyqtyq jäne psihologiialyq kömek körsetıldı.
Memlekettık qyzmetterdı bırıktıretın jäne olardy «bır tereze» qaǧidaty boiynşa ūsynatyn ortalyq mamandary är otbasymen jeke jūmys jürgızedı. Aşyq alaŋda elorda tūrǧyndaryna densaulyq saqtau, jūmyspen qamtu, bılım beru, tūrǧyn üimen qamtamasyz etu jäne käsıpkerlıktı bastau boiynşa jüielı keŋester men kömek körsetıledı. Ortalyq Beibıtşılık köşesı, 14-üi mekenjaiynda ornalasqan.
