Oblys jäne qala äkımderınıŋ äleumettık mäseleler jönındegı orynbasarlary Nūr-Sūltan qalasynyŋ «Janūia» institutyn qoldau ortalyǧynyŋ täjıribesımen tanysty.
Qala äkımınıŋ orynbasary Baqtiiar Mäken ärıptesterın ekskursiialata jürıp, negızgı mındet barlyq öŋırlerde otbasy institutyn damytudy barynşa qamtamasyz etu qajettıgın airyqşa atap öttı. «Memleket basşysynyŋ tapsyrmasyna səikes bız aimaqtardaǧy ärıptesterımız üşın «Janūia» institutyn qoldau ortalyǧy boiynşa ekskursiia ötkızdık. Būl ekskursiia ärıptesterımızdı bızdıŋ ortalyqpen tanystyru jäne täjıribe almasu üşın ötkızıldı. Bügıngı taŋda barlyq öŋırlerde otbasy institutyn damytudy barynşa qamtamasyz etu mındetı tūr jäne «Janūia» täjıribesın barlyq öŋırlerde taratu kerek» dedı B.Mäken. Onyŋ aituynşa, ortalyqqa, negızınen, tūrǧyn üi, memlekettık baǧdarlamalar, AÄK mäselelerı boiynşa ötınış bıldıretınder köbırek keledı eken. «Ärbır mäsele boiynşa keŋester berılıp, tūrǧyndar jügınetın mäselelerdı şeşu joldary bar. Bolaşaqta bız ortalyq filialdaryn qalanyŋ är audanynda aşudy josparlap otyrmyz» dedı qala äkımınıŋ orynbasary.
«Janūia» institutyn qoldau ortalyǧy – halyqqa 70-ke juyq qyzmet körsetetın funksionaldy ortalyq. «Mūnda özektı mäseleler köterıledı, tūrǧyndarǧa keŋes berıledı. Menıŋ oiymşa, mūndai ortalyqtardy basqa aimaqtarda da qūru qajet. Öitkenı qazır AÄK aluşylar köp, olarda köptegen sūraqtar tuyndaidy. Mūndai ortalyqtardyŋ kömegımen ötınış bıldırgenderdıŋ sūraqtaryna qajettı keŋester men naqty jauaptar bere otyryp, äleumettık şielenıstı mäselelerdı uaǧynda şeşuge mümkındık tuady. Bızde ärbır oblystyq, audandyq jūmyspen qamtu ortalyǧynda keŋes beredı, bıraq onda «Janūiamen» salystyrǧanda qyzmet az körsetıledı» dedı Almaty oblysy äkımınıŋ orynbasary Batyrjan Baijūmanov.
«Janūia» otbasyn qoldau ortalyǧynyŋ direktory Äigerım Täŋırbergenovanyŋ aituynşa, üş ai ışınde ortalyqqa 6,3 myŋ adam jügıngen.
– Ortalyqtyŋ basty maqsaty – otbasylarǧa psihologiialyq, äleumettık jäne zaŋgerlık kömek körsetu. Bızdıŋ ortalyqta 70-ke juyq qyzmet körsetıledı, 60 qyzmetker jūmys ısteidı. Aşylǧan künnen bastap üş ai ışınde bızdıŋ ortalyqqa 6,3 myŋ adam jügındı, 13 myŋ mäsele qaraldy. Onyŋ 3 myŋy şeşılgen. Būl mäseleler – jūmysqa ornalastyru, AÄK taǧaiyndau, zaŋgerlık, psihologiialyq kömek körsetu. Bügın bız aimaqtardaǧy ärıptesterımızdı bızdıŋ ortalyqtyŋ qyzmetımen tanystyrdyq, – dedı ol.
