M.Ötemısov atyndaǧy oquşylar saraiynda «Astana – ruhy myqty jandardyŋ qalasy» jobasy aiasynda «Teŋ mümkındıkter älemı» şarasy öttı. Atalǧan aksiiany «Nūr Otan» partiiasynyŋ Astana qalalyq filialy, «Teŋ mümkındıkter älemı» mügedektıgı bar balalardyŋ ata-analar qauymdastyǧy, «Asyl bala» respublikalyq qauymdastyǧy ūiymdastyrdy.
Şaraǧa Astana qalasynyŋ äkımı Äset İsekeşev, «Nūr Otan» partiiasy Astana qalalyq filialy töraǧasynyŋ bırınşı orynbasary Baqyt Saparov jäne ükımettık emes ūiym ökılderı qatysty. Qala äkımı bastaǧan qonaqtar karate zaly men basseindı körıp, mümkındıgı şekteulı balalardyŋ jattyǧuyn tamaşalady. Baqyt Saparovtyŋ aituynşa, şaranyŋ basty maqsaty – mümkındıgı şekteulı balalardy būqaralyq sportqa tartyp, beiımdı sportty damytu bolyp otyr. Sondai-aq ol oqu, bılım, medisinalyq jäne memlekettık mekemelerdı mügedekter ortasyna beiımdeu qajet ekenın atap öttı.
– «Salamatty bolaşaq» bırlesken jobasy aiasynda «Asyl bala» qauymdastyǧy «Nūr Otan» partiiasynyŋ qoldauymen bügın qalada alǧaşqy beiımdık jüzu boiynşa seksiia aşyp otyr. Sondai-aq, oquşylar saraiynda beiımdık karate seksiiasy aşylyp, jūmys ısteude. Būdan bölek, baǧdarlamany jüzege asyru aiasynda Astanada «Bılımde tözımdılık» halyqaralyq konferensiiasy ötkızıldı. Jeke balabaqşa bazasynda inkliuzivtı engızu maqsatynda esperimentaldy alaŋ aşyldy, balalar üşın «Sau denede – sau ruh» qalalyq sport turnirı ötkızıldı, «Balany mektepke daiyndaimyz» jobasynyŋ aiasynda 200-den astam balaǧa mektep qūraldary tabystaldy, – dedı Baqyt Saparov.
Kezdesu barysynda qoǧamdyq ūiym ökılderı mümkındıgı şekteulı balalardyŋ jattyǧuy mäselesınde älı de bolsa problema bar ekenın jetkızdı. Äset İsekeşev būl mäselenı demeuşılerdıŋ kömegı arqyly şeşetının jetkızdı.
Serık JOLDASBAI
