75 jyldyq tarihy bar elordadaǧy Joǧary kölık jäne kommunikasiia kolledjınıŋ «75 igı ıs» şarasy jäne Jastar jyly aiasynda Tūŋǧyş Prezident künıne arnalǧan «Elın süigen, elı süigen Elbasy» atty VII dästürlı müşäira öttı. Nūr-Sūltan qalasynyŋ tehnikalyq jäne käsıptık bılım beru mekemelerı studentterınıŋ arasynda ūiymdastyrylǧan jas aqyndar dodasy ekı kezeŋnen tūrdy.
Bırınşı ırıkteu kezeŋınen ötken aqyndar ekınşı, finaldyq kezeŋde öleŋderın köpşılıktıŋ aldynda oqydy. «Mädeniet» aqparat portalynyŋ qūryltaişysy ärı bas direktory Bauyrjan Qaraǧyzūly bastaǧan qazylar alqasynyŋ şeşımımen bas jülde Gumanitarlyq kolledj studentı J.Joldymūratqyzyna berıldı. Bırınşı oryndy A.Qūlmahanova (joǧary medisinalyq kolledj) ielendı.
Ekınşı oryn jüldesın Ä.Qūrmanaeva (joǧary kölık jäne kommunikasiia kolledjı) men E.Ermekūly (medisinalyq-tehnikalyq kolledj) bölıstı. Üşınşı oryndy S.Avil (menedjment jäne biznes kolledj) men M.Orazai (joǧary kölık jäne kommunikasiia kolledj) aldy.
«Körermender közaiymy» atalymynda joǧary kölık jäne kommunikasiia kolledjınıŋ studentı A.Älıpbek, «Şyǧarmaşyl jas aqyn» atalymynda E.Qarjaubai, «Jaŋaşyl jas aqyn» atalymynda – Q.Tūrǧynbek top jardy.
Svetlana ÄLIMOVA
