KÜNI KEŞE ASTANA QALASY ÄKIMI ÄSET İSEKEŞEVTIŊ QOLYNAN BIR TOP MEDİSİNA QYZMETKERLERI PÄTERDIŊ KILTIN ALǦAN BOLATYN. SOLARDYŊ IŞINDE №2 QALALYQ BALALAR AURUHANASYNYŊ ANESTEZİOLOG-REANİMATOLOG DÄRIGERI SAǦYNǦALİ SEIITJAN DA BOLDY. BES JYLDAN BERI MEDİSİNA SALASYNDA QYZMET ETIP KELE JATQAN OL ÖZINIŊ ÜILI BOLǦANYNA SENER EMES. ALAIDA JÜZDEGEN JANNYŊ ÖMIRIN AJALDAN QŪTQARǦAN DÄRIGERDIŊ EŊBEGI QANDAI QŪRMETKE BOLSA DA LAIYQ.
Saǧynǧali Seiıtjan 2005 jyly Oŋtüstık Qazaqstan oblysyna qarasty Kentau qalasynan Qaraǧandy memlekettık medisinalyq universitetıne oquǧa kelıp tüsedı. Atalǧan universitetten bılım närıne qanyqqan därıger 2012 jyly №2 qalalyq balalar auruhanasyna kelıp jūmysqa ornalasady. Oquyn hirurg därıgerı retınde bıtırıp şyqqan ol keiın kele anesteziolog-reanimatolog mamandyǧyn meŋgerıp alady.
– Qūdaiǧa şükır, osy mamandyqtyŋ arqasynda talai adamnyŋ ömırın ajaldan araşalap qaluǧa sebepker boldym. Öitkenı anesteziolog-reanimatolog bolǧandyqtan bız ölım men ömırdıŋ ortasynda jüremız. Özıŋız bılesız, balalardy qarap, olardy emdeu oŋai şarua emes. Öitkenı balalar naqty qai jerı auyryp tūrǧanyn eresek adamdar siiaqty aita almaidy. Tek medisinanyŋ älıpbiımen nauqasyn anyqtap, diagnoz qoiyp jatamyz. Onyŋ üstıne auyr jaǧdaida kelıp tüsken balalardy qarau psihologiialyq tūrǧydan öte qiyn. Keide özımdı osy mamandyqqa qūdai aidap kelgen şyǧar dep oilaimyn. Sondyqtan da özımdı basqa salanyŋ mamany retınde elestete almaimyn. Sebebı auyr jaǧdaida kelıp tüsken balanyŋ betı berı qaraǧan kezde därıgerlıkten artyq mamandyq joq dep oilaimyn, – deidı ol.
Saǧynǧali Seiıtjan bılıktı maman ärdaiym özın jetıldırıp otyruy qajet dep esepteidı. Sondyqtan da ol özınıŋ käsıbi bılımın arttyru üşın köp ızdenetının aitady.
– Anesteziologiia-reanimatologiia salasynda bızdıŋ elde älı de bolsa damytatyn tūstarymyz jeterlık. Mäselen, şet eldıŋ su jaŋa qūrylǧylaryn satyp alyp, elımızge äkelıp ornatsaq, nūr üstıne nūr bolar edı. İä, qazırgı taŋda auruhanalarymyzda köptegen qūrylǧylar bar. Bıraq auruhanalarymyzdyŋ halyqaralyq talaptarǧa sai boluy üşın odan ärı täjıribemızdı arttyra tüsuımız kerek. Sondyqtan da men osymen şektelıp qalmai, alǧa qarai ūmtylyp, bılımımdı jetıldırsem deimın. Naqtyraq aitsam, «Bolaşaq» baǧdarlamasy boiynşa şet elde bılım alǧym keledı, – deidı därıger.
Saǧynǧali Seiıtjannyŋ zaiyby Nūrşat Amanjol feldşer mamandyǧyn alǧan eken. Alaida ol bügınde ekı balanyŋ kütımı boiynşa üide dekrettık demalysta otyr. Jalpy, jas otbasy üşın qala äkımınıŋ qolynan päter kıltın alu – ūmytylmas oqiǧa.
Serık JOLDASBAI
