1 şıldeden bastap Qazaqstanda «Jas otbasy» jaŋa tūrǧyn üi baǧdarlamasy ıske qosyldy. Būl turaly «Qazaqstannyŋ tūrǧyn üi qūrylys jinaq bankı» AQ basqarma töraiymy Läzzat İbragimova habarlady.
«Şaŋyraq kötergenıne üş jyl tolmaǧan jas otbasylar depozit aşyp, bırden tūrǧyn üi qūnynyŋ 50 paiyzyn sala alady, sonda ipoteka tömendetılgen mölşerlememen resımdeledı. Bızde negızınen 8,5 paiyz, al jas otbasylar üşın arnaiy 6 paiyz belgıledık. Sūranys öte joǧary, bır aida 1,5 myŋǧa juyq depozit aşyldy» dep tüsındırdı L.İbragimova.
Qūzyrly mekeme basşysy qazır jas otbasyn esepteu jasyn 3-ten 5 jasqa deiın ösıru mäselesı qarastyrylyp jatqanyn aitady. «Qazır köptegen otbasylar: «Nege 3 jyl? 5 jyl da jas otbasy üşın ūzaq uaqyt emes. Bızdı de qoldaŋyzdar» dep jazyp jatyr. Bız būl ūsynystardy qarastyramyz. «Otbasy» bankınıŋ jetıldırıluı tek qaǧaz jüzınde ǧana emes, ıs jüzınde oryndalǧany öte maŋyzdy. Bız barlyq otbasylar üşın mamandyqqa, äleumettık märtebege qaramastan, teŋ qoljetımdı bolǧanyn qalaimyz» dedı ol.
