JASAMPAZDYQ PEN TABYSTYŊ TŪǦYRYNDAI
Keşe ekı kündık «Konstitusiia: tūraqtylyq, beibıtşılık jäne qoǧamdyq kelısım» atty halyqaralyq ǧylymi-praktikalyq konferensiia bastaldy. Konferensiianyŋ jūmysyna Qazaqstan Respublikasynyŋ Memlekettık hatşysy, Parlament deputattary, bırqatar ministrler, memlekettık organdardyŋ basşylary, şetelder men halyqaralyq ūiymdardan kelgen qonaqtar qatysty.
– Qazaqstan Respublikasynyŋ Prezidentı – Ūlt Köşbasşysy Nūrsūltan Nazarbaevtyŋ tıkelei basşylyǧymen äzırlengen el Konstitusiiasy memleket damuynyŋ negızıne ainaldy. Saiasi sara jolmen kele jatqandyǧymyz sonyŋ aiqyn belgısı, – degen Konstitusiialyq keŋes töraǧasy İgor Rogov Elbasynyŋ «Qazaqstan joly – 2050: bır maqsat, bır müdde, bır bolaşaq» atty Joldauy jüktegen mındetterge toqtaldy.
Memlekettık hatşy Ädılbek Jaqsybekov Ata zaŋnyŋ memleketımızdıŋ örkendeuıne, tūtas halqymyzdyŋ uaiymsyz ömır süruıne bergen mümkındıkterı jaiynda äŋgımeledı.
Europa keŋesınıŋ Venesiia komissiiasy töraǧasynyŋ orynbasary Evgenii Tanchev özı qyzmet etıp otyrǧan ūiymnyŋ qūttyqtauyn jetkızdı.
Ädılet ministrı Berık İmaşev «Qazaqstan – 2050» strategiiasy aiasynda ūlttyq qūqyqtyq jüienıŋ bäsekege qabılettılıgın qamtamasyz etudegı Konstitusiianyŋ rölıne toqtaldy.
Bas prokuror Ashat Dauylbaev prokuratura organdarynyŋ qoǧamdaǧy tūraqtylyqtyŋ, beibıtşılık pen kelısımnıŋ konstitusiialyq negızderın saqtau jolynda atqaryp otyrǧan jūmystarynan habardar ettı.
Qazaqstan Respublikasyndaǧy Adam qūqylary jönındegı uäkıl Asqar Şäkırov elımızdegı uäkıldıkte halqymyzdyŋ konstitusiialyq qūqylarynyŋ būzylmauy jäne memleketımızdegı tūraqtylyq pen qoǧamdyq kelısımnıŋ saqtaluy üşın ne ıstelınıp jatqanyn baiandady. Elımızde qoǧamdyq kelısımnıŋ ülgısın qalyptastyru jönınde söilegen Mädeniet jäne sport ministrı Arystanbek Mūhamediūly onyŋ sözın tolyqtyra tüstı.
Saiasattanuşy, Resei Federasiiasy Ūlttyq strategiia institutynyŋ halyqaralyq baǧdarlamalar jönındegı direktory Iýrii Solozobov Qazaqstan öz Konstitusiiasyn qabyldaǧan uaqyttan berı jasampazdyq pen tabystyŋ jolymen kele jatqandyǧyn atap öttı. Ol da Memleket basşysy Nūrsūltan Nazarbaevtyŋ eŋbegıne joǧary baǧa berdı.
SÜBELI SÖZ
Ädılbek JAQSYBEKOV, QR Memlekettık hatşysy:
Ata zaŋda – memlekettıŋ qalyptasu baǧyttary körsetılgen. Azamattardyŋ qūqylary men bostandyqtary aiqyndalǧan. Qazaqtyŋ özı qabyldaǧan Konstitusiia el damuyna jol aşty. Elbasy Ata zaŋ arqyly Qazaqstandy myqty memleketke ainaldyrdy. Elımızde bırlık pen tatulyq ornady. Ekonomika men demokratiia damydy. Otandastardyŋ boiyna qazaqstandyq patriotizmnıŋ ruhy sebıldı. Eŋ bastysy – Qazaqstan täuelsız memleket ekenın älemge tanytty.
Qazaqstan Respublikasy Prezidentınıŋ janyndaǧy Äielder ısterı jäne otbasylyq-demografiialyq saiasat jönındegı ūlttyq komissiianyŋ töraiymy Mahabbat Bekbosynova elımızdegı äielderdıŋ qūqylaryn qamtamasyz etu deŋgeiın saralady. «Memleket basşysy Nūrsūltan Nazarbaevtyŋ Jarlyǧymen bekıtılgen 2006-2016 jyldarǧa arnalǧan Genderlık teŋdık turaly strategiiasy qai salada bolmasyn näzık jandylardyŋ belsendılıgın arttyrdy. Onyŋ kuäsı – memlekettık bilık organdarynda soŋǧy jyldary äielderdıŋ ekı ese köbeigendıgı. Mäselen, Qazaqstanda qazır 87 myŋ şamasynda memlekettık qyzmetker bar. Al, olardyŋ 55 paiyzy – äielder. Parlamenttıŋ tömengı palatasynda qyzmet etetınderdıŋ 25 paiyzy – äielder. Būl – EQYŪ keŋıstıgındegı ortaşa körsetkışten asyp otyr» dedı ol.
Konferensiia bügın L.Gumilev atyndaǧy Euraziia ūlttyq universitetınde jalǧasady.
Amanǧali QALJANOV