Nūr-Sūltan qalasynyŋ jas käsıpkerlerı studenttermen kezdesıp, özderınıŋ biznes bastaudaǧy täjıribelerımen bölıstı.
«Astana jastary» kommunaldyq memlekettık mekemesınıŋ ūiymdastyruymen ötken jiynǧa Qoǧamdyq damu ısterı basqarmasynyŋ basşysy Daniiar Esin men sala mamandary qatysty. Mekeme basşysynyŋ orynbasary Aqerke Aqtaidyŋ aituynşa, jyl basynan berı ärtürlı taqyrypta ötkızılgen 81 şara 4757 adamdy qamtyǧan. Būl – 82-şara.
«Alay food» kompaniiasynyŋ negızın qalauşy Ainūr Ämırhan men äleumettık käsıpker, «Green tal» äleumettık käsıpkerlık mektebınıŋ negızın qalauşy Emin Äskerov jäne «Rocket study» bılım beru akseleratorynyŋ joba menedjerı Dämır Tölenov özderınıŋ biznestı qalai bastaǧandaryn, onyŋ jolynda qandai sätsızdıkter men qiyndyqtardyŋ bolǧanyn keŋınen äŋgımeledı.
– Käsıppen ainalysatyn adam nebır täuekelge bel buyp, qorqynyşyn jeŋe bıluı kerek. Är saladaǧy myqty sarapşylar – öte köp qatelık jasaǧandar. Iаǧni neǧūrlym köp qate jıberseŋız, soǧūrlym myqty sarapşy boluǧa mümkındık arta tüsedı, – dedı Emin Äskerov.
Şara barysynda jiynǧa qatysuşy jastar spikerlerge özderınıŋ sūraqtaryn qoidy. Olardyŋ saualdaryna jauap bergen biznesmender türlı keŋesterın aityp, jastardy käsıppen ainalysuǧa şaqyrdy.
