«Nūr Otan» partiiasy janyndaǧy «Jas Otan» jastar qanatynyŋ Astana qalalyq filialy men Astana qalasy Jastar saiasaty mäselelerı basqarmasynyŋ ūiymdastyruymen Aqmola oblysyndaǧy Zerendı demalys ortalyǧynda «Jastar – bolaşaq energiiasy» ūrany aiasynda belsendı jastarǧa arnalǧan jazǧy lager jūmysyn qorytyndylady.
«Jazǧy lagerge jyl boiy Astanada ötken saiasi-qoǧamdyq şaralarǧa belsendı qatysqan 150-ge juyq jastar jinaldy. Olardyŋ arasynda üzdık studentter, jūmysşylar, sportşylar, önerpazdar jäne erıktıler boldy. Üş kün boiy bılıktı maman-bapkerlerden tälım alǧan jastar jaŋa ideialarmen, tyŋ küşpen qarulanyp qaitqany sözsız.
– Būl lagerge şaqyrylǧan jastardyŋ bärı – Astana qalasynda ötetın memlekettık jäne qoǧamdyq şaralarǧa belsendı qatysuşylar. Sondyqtan olarǧa jaqsy demalys ūiymdastyrudy jön sanadyq. Mūnda olar özderınıŋ ūiymdastyruşylyq täjıribelerın jetıldıretın bolady. Treningter, seminarlar, türlı tanymdyq oiyndar ötkızıledı, – dep atap öttı Astana qalasy Jastar saiasaty mäselelerı basqarmasynyŋ ökılı Aqūlan Tastemır.
Jazǧy lagerdıŋ basty maqsaty – astanalyq jastardyŋ bırlesuın nyǧaitu arqyly Ūlt josparynyŋ «100 naqty qadamyn», «Nūr Otan» partiiasynyŋ «Jastar – Otanǧa!» baǧdarlamasyn jüzege asyruǧa, sonymen qatar EKSPO-2017 halyqaralyq körmesın ötkızuge üles qosuǧa daiyndau. Osy oraida lagerde bolǧan jastardyŋ belsendılıgın arttyruǧa baǧyttalǧan «Ūly dalanyŋ ūlandary» atty merekelık baǧdarlama öte mazmūndy ärı qyzyqty öttı. Onyŋ aiasynda ūiymdastyrylǧan şyǧarmaşylyq baiqau, sport saiystarynda jastar öz qabıletterın körsettı.
Tüptep aitqanda, astanalyq belsendı jastar jazǧy lagerden tälım de, küş-quat ta jinap qaitty.
Ǧalym QOJABEKOV
