Taŋerteŋ jūmysqa şyǧyp, ädettegıdei aialdamaǧa keldım. Bala-şaǧasy bar 15-20 adamdai tūrmyz. Bärınıŋ közı avtobus körınetın jol jaqta.
Ortamyzda tūrǧan ülken aǧai temekısın būrq etkızdı. Kürk-kürk ettı de, tütının budaqtatyp jıberdı. Jaqyn tūrǧan balalar men äielder yǧysyp kettı. Bes minuttai ötkende aǧai jaqsylap qaqyrynyp aldy da, temekısınıŋ tūqylyn söndırmesten tūrǧan jerınde tastai saldy.
Osy sätte qasymda tūrǧan jap-jas jıgıt «Aǧai şylymdy nege jerge tastadyŋyz, janyŋyzda jäşık tūr ǧoi, sonda nege tastamaisyz?» dep aityp saldy. Sol-aq eken şamasy 60-ty alqymdap qalǧan älgı aǧamyz «Äi, senıŋ şaruaŋ qanşa, jönıŋmen tūr. Özım bılem ne ıstesem de…» dep dürse qoia berdı. «Osy qazırgınıŋ jastary bar ǧoi, ülken demei, kışı demei aqyl aitqysy kelıp tūrady, qaraşy, ananyŋ maǧan jön aitqanyn…» dep älgı aǧaiymyz aşuyn basa almai tūr.
Avtobus kelıp qaldy. Jas jıgıtpen bırge mınıp kettık. Jön sūradym. «Esımım Marat bolady».., «Qaida jūmys ısteitınım, oqitynym maŋyzdy emes qoi aǧa, ana aǧaidy renjıtıp aldym-au, bıraq üp-ülken bolyp, balalar tūrǧan jerde şylym şekkenımen qoimai, temekı tūqylyn laqtyra salǧanyna küiınıp kettım…» deidı örımdei jıgıt. «Joq, sen köŋılıŋdı tüsırme, aitqanyŋ dūrys. Aialdamada tūrǧan ärkım jan-jaǧyna tükırıp, temekısın tastai berse qandai tazalyq bolady…» dep jas jıgıttı jūbatqandai boldym.
Oidy oi qozǧady. Astanada tūrǧan soŋ qalanyŋ märtebesıne qarai mädeniettı boluǧa tyrysyp köruımız kerek qoi. Keide qazırgı jastarda tärbie joq dep jatamyz, osymyz dūrys pa?! Negızı jastar ülkenderden körgenın ısteuge beiım keledı. Osyny da este ūstau kerek şyǧar.
