Astanadaǧy L.Gumilev atyndaǧy Euraziia ūlttyq universitetınde «Mäŋgılık El» ūlttyq ideiasyn qoldau maqsatynda jastar aksiiasy ūiymdastyryldy. Is-şaraǧa ziialy qauym, elordanyŋ jas köşbasşylary, studentter men Qazaqstan halqy assambleiasynyŋ ökılderı qatysty. Atalmyş aksiia Qazaqstannyŋ är öŋırınde ötıp, «Qazaqstan-2050» Strategiiasyn bırıgıp jüzege asyruǧa jäne Elbasynyŋ «Mäŋgılık el» ideiasyn qoldauǧa şaqyrdy.
Ūiymdastyruşylardyŋ aituynşa, būl patriottyq aksiia osymen toqtamaidy. Öitkenı «Qazaqstan-2050» Strategiiasy öz märesıne jetkenşe, jemısın bergenşe atqarylatyn jūmys köp. Eŋ bastysy, är qazaqstandyq oǧan barlyq küş-jıgerın jūmsauy qajet.
Sondai-aq, aksiiaǧa Qazaqstan halqy assamleiasynyŋ ökılderı de qatysty. Olardyŋ aituynşa, Mäŋgılık el degenımız – Qazaqstandaǧy barlyq ūlttardyŋ bırlıgı, tatulyǧy. Al, Elbasymyz 2050 jylǧa deiın belgılegen joǧary därejege jetu – ärbır Qazaq elı tūrǧyny üşın ortaq maqsat.
Jiynda myŋǧa juyq jas kök tuymyzdy tık ūstap, «Mäŋgılık el! Mäŋgılık tıl! Mäŋgılık ruh!» dep ūrandatty.
