Bolaşaq – bılımdı jastardyŋ qolynda. Elordada ötıp jatqan «Jastar sinergiiasy» qysqy lagerı tyŋ jobalardyŋ alaŋyna ainaldy.
Elordalyq jastar www.jastarsynergy.kz saityna tırkelıp, jaŋa bastamalaryn ūsynǧan. Al jaŋa jobalar «Jastardyŋ äleumettık damuy», «Jastar jäne biznes», «Jastar, mädeniet jäne sport», «Jūmyssyzdyqty azaitu jäne käsıbi baǧdarlau jūmystaryn jürgızu», «Jastar aqparat aǧynynda» sekıldı bırneşe baǧyt boiynşa ırıktelıp alynǧan.
– Bız üşın jastardyŋ äleumettık jobalaryn jüzege asyru ısıne qoldau körsetuımız maŋyzdy. Is-şaranyŋ erekşelıgı sol ärbır qatysuşy arnaiy şaqyrylǧan mamandarmen öz ideialary turaly aqyldasyp, qajet keŋes ala alady. Niet bıldırgender köp bolǧanmen, 100 adamdy ǧana ırıktep aldyq. Jastar belsendı boluy kerek, – dedı jiynnyŋ aşyluynda söz alǧan Qoǧamdyq damu ısterı basqarmasynyŋ basşysy Daniiar Esin.
Is-şara barysynda Enactus Kazakhstan ūiymynyŋ basşysy Albina Erjanovanyŋ jetekşılıgımen jüzege asyrylyp jatqan jūmystar jaiy qozǧaldy. Belgılı bolǧandai öskeleŋ ūrpaqtyŋ biznes jobalarmen ainalysuyna, äleumettık-ekonomikalyq jäne ekologiialyq mäselelerdı şeşuge atsalysuyna septıgın tigızedı eken. Sol siiaqty özge de bılımdı jastardyŋ qolǧa alǧan jobalary, josparlary jaiynda aityldy.
