Taiauda»Baspana» ipotekalyq ūiymy bastapqy jarnany arzandatatyn önımder äzırledı.
«Baspana» İpotekalyq ūiymy jas otbasylar men biudjettık sala qyzmetkerlerıne qarjylyq jüktemenı azaitu maqsatynda «Jas arman» jäne «Qamqor baspana» önımderın äzırledı. Önımder Baspana jäne jergılıktı atqaruşy organdar arasyndaǧy yntymaqtastyqqa negızdelıp, atalmyş sanattaǧy azamattarǧa «7-20-25» ipotekasynyŋ alǧaşqy jarnasyn ekı esege azaitudy qarastyrady.
Sondai-aq, jergılıktı atqaruşy organdardyŋ obligasiialar şyǧaratyny jäne halyqtyŋ atalǧan sanaty üşın bastapqy jarnanyŋ jartysyn subsidiialauǧa mındettenetını aitylady. Öz kezegınde Baspana äkımdıkter obligasiialaryn satyp alyp, «7-20-25» baǧdarlamasyna qatysatyn banktermen halyqtyŋ osy sanatyn nesielendırudı qamtamasyz etedı. «Bız «7-20-25″ baǧdarlamasyna jas otbasylar men biudjettık sala qyzmetkerlerınıŋ qatysuyna orasan zor män beremız. Olar tarapynan alǧaşqy jarnany jinaudyŋ qiyndyǧy jönınde köptegen pıkırler kelıp tüstı. Sol sebeptı, qoldau mümkındıkterın barynşa qarastyrdyq. Mūndai äleumettık şeşımderdı ıske asyru üşın äkımdıkter tarapynan qoldau kütemız», – dedı «Baspana» İpotekalyq ūiymynyŋ basqarma töraǧasy Qairat Altynbekov.
Būǧan deiın belgılı bolǧanyndai, «Jas arman» jäne «Qamqor baspana» önımderı bırınşı bolyp Şymkent qalasynda pilottyq rejimde jūmys ıstei bastady. Taraptar tiıstı Memorandumǧa 2018 jyldyŋ 3 qyrküiegınde qol qoiǧan bolatyn. Memorandumǧa säikes Şymkent äkımdıgı qaitarymdy negızde bastapqy jarnany subsidiialau üşın aǧymdaǧy jyly 500 million teŋge jäne 2019 jyly 1,5 milliard teŋge böledı. Äkımdıktıŋ qoldauy 2 myŋǧa juyq jas otbasy men biudjettık sala qyzmetkerlerın qamtymaq.
Derekköz: Tengrinews.kz
