Jūmys ısteitın jastarǧa satyp alu qūqyǧynsyz jalǧa berıletın tūrǧyn üi üşın qūjat qabyldau elordada 1 jeltoqsanda bastalyp, 6 jeltoqsanǧa deiın jalǧasady. Būl turaly brifing barysynda Nūr-Sūltan qalalyq jastar saiasaty mäselelerı basqarmasynyŋ basşysy Däulet Kärıbek mälımdedı.
– Biyl jūmys ısteitın jastarǧa 350 päter beru josparlanyp otyr. Būl tūrǧyn üi baǧdarlamasynyŋ maqsaty – jastardy yntalandyru jäne bes jyl ışınde jeke üi satyp aluǧa qarajat jinauǧa jaǧdai jasau. Elordanyŋ tūrǧyn üi qoryna qūjattar jeltoqsannyŋ 1-nen 6-na deiın qabyldanady. Barlyq jastardy osyǧan qatysuǧa şaqyramyz, – dedı elordalyq jastar saiasaty mäselelerı basqarmasynyŋ basşysy.
Jalǧa berıletın päterler ornalasqan üiler R.Qoşqarbaev daŋǧyly men Qordai daŋǧylynyŋ qiylysynda, sondai-aq Abylai han men B.Momyşūly daŋǧylynda ornalasqan. Tūrǧyn üidıŋ audany 31-den 47 şarşy metrge deiın. Ai saiynǧy jaldau qūny 5000-nan 15000 teŋgege deiın. Jalǧa alu merzımı – bes jyl.
Baǧdarlamaǧa qatysu üşın onyŋ şarttaryn oryndau qajet. Jalǧa berıletın tūrǧyn üi aluǧa soŋǧy ekı jylda menşık qūqyǧynda tūrǧyn üiı bolmaǧan, 29 jasqa deiıngı Qazaqstan azamattary ötınış bere alady. Sonymen qatar erlı-zaiyptylar men olardyŋ balalarynyŋ menşsık mülkı bolmauy tiıs. Oǧan qosa keiıngı ekı jyl qalada tūraqty tūrǧandyǧy jönınde tırkelımı boluy şart. Ötınış beruşılerdıŋ resmi kırısı 40 AEK nemese soŋǧy alty aida 111 120 teŋgenı qūrauy kerek.
