«Baitaq» partiiasynyŋ töraǧasy Azamathan Ämırtaev Astana qalasynda jyl saiyn ötetın karatedan turnirge qonaq retınde qatysty.
Kiokuşin Budokai Karate türınen sporttyq jarystyŋ aşylu saltanatynda söz alǧan partiia töraǧasy jastarǧa patriottyq tärbie beru jäne salauatty ömırdı nasihattaumen qatar, ekologiialyq tūrǧydan sauattylyǧyn arttyrudyŋ da maŋyzdy ekenın aitty.
– Elımızde sporttyŋ jekpe-jek türlerın damytuǧa üles qosyp jatqan sızder sekıldı jastardyŋ qarym-qabıletın körıp, qatty quanyp tūrmyn. Bızdıŋ qoǧamǧa jaŋa qūndylyqtar engızude jastardyŋ ülesı basym, – dedı ol. Ūiym töraǧasy sonymen qatar «Baitaq» partiiasynyŋ jaqtastarynyŋ qatarynda belsendı jäne özıne senımdı azamattar köp ekenın jetkızdı.
– Baiqasaq, aǧa buynǧa qaraǧanda jastar arasynda salauatty ömır saltyn saqtau, ekologiia mäselelerı öte qarqyndy köterıledı. Osy tūrǧyda bızdıŋ partiia Qazaqstan jastarynyŋ ruhy biık, özderı myqty boluy üşın elımızdıŋ taza boluyna tyrysatyn bolady. Ärbır qatysuşyǧa adal jeŋıs, sättılık tıleimın! – dedı ol.
Turnirdıŋ aşylu saltanatyna sondai-aq qazaqstandyq tanymal sporty Serık Säpiev, «Kazakhstan Fullkontakt Karate Organization» respublikalyq qoǧamdyq bırlestıgınıŋ prezidentı Ekrinbek Ahmadaliev, ūiymnyŋ vise-prezidentterı Konstantin Iаkovenko men Saiat Abildin, sonymen qatar Kiokuşin Budokai Karate federasiiasynyŋ Astana qalasy boiynşa basşysy Nūrsūltan Äliakbarov qatysty.
