Bügın qala jastary qoǧamdyq densaulyq saqtau basqarmasy, halyqty jūmyspen qamtu ortalyǧy jäne özge de ūiymdardyŋ ökılderımen kezdesıp, keŋes ala alady.
Is-şara «Aziia Park» sauda oiyn-sauyq ortalyǧynda saǧat 15:00-den 17:00-ge deiın bolady. Kez kelgen qala tūrǧyny Astana qalasynyŋ Qoǧamdyq densaulyq saqtau basqarmasy, «Azamattarǧa arnalǧan Ükımet» memlekettık korporasiiasy, Astana qalasy äkımdıgınıŋ jūmyspen qamtu ortalyǧy, Mediasiiany damytu ortalyǧy jäne köptegen basqa ūiymdardyŋ ökılderıne özderın qyzyqtyratyn mäselelerge qatysty sūraqtaryn qoia alady. Şaranyŋ maqsaty – jastarǧa qoldau körsetu, olarǧa naqty mäseleler boiynşa keŋes beru arqyly memlekettık baǧdarlamalardan habardar etu, jekelei sūraqtar boiynşa qala tūrǧyndaryna kömektesu.
