«Jasyl el» jobasy boiynşa biylǧy eŋbek mausymynda elordada 1200 jas jūmysqa ornalasty. Olar 11502,2 gektar aumaqty alyp jatqan elordanyŋ jasyl beldeuıne kütım jasauǧa qatysty. Sonymen qatar qala maŋyndaǧy 275 350 tal men köşetterge kütım körsetumen ainalysty.
«Astana Ormany» JŞS mekemesınde jastar 90 myŋ tenge jalaqy jäne «Jasyl el» jobasynan arnaiy bölıngen 35 394 tenge syiaqy alady. «Jasyl El» jobasy aiasynda jastar 3 sanat boiynşa jūmys ısteidı. Atap aitqanda, 14-17 jas aralyǧyndaǧy köpbalaly jäne az qamtylǧan otbasyǧa jatatyn balalar, 17-22 jas aralyǧyndaǧy kolledj, JOO studentter jäne üşınşı eresek top – jūmyssyz jastar sanatyndaǧy 18-29 jastaǧy azamattar.
Kämeletke tolmaǧandar saiabaqtar men alaŋdardy tazartu jūmystaryn jürgızedı. Olardyŋ jūmys künı tört saǧattan aspaidy. Ekınşı sanattaǧylar «Astana-Zelenstroi» jūmysşylaryna kömektesse, üşınşı sanattaǧy studentter men qatysuşylar qūrylys alaŋdarynda, sondai-aq «Astana Ormany» käsıpornynda jūmys ıstedı.
Sanitarlyq qauıpsızdık talaptaryn saqtau maqsatynda jastardyŋ bır jerge şoǧyrlanyp jūmys ısteuıne jol berılmeidı. Taza auada, aşyq keŋıstıkte 2 metrden kem emes qaşyqtyq saqtau qajet. Osy jobaǧa qatysuşy jastar mındettı türde bettūmşa taǧyp, qolǧap kiıp jūmys ısteidı.
