Nūr-Sūltan qalasynda Jastar saiasaty mäselelerı basqarmasynyŋ bastamasymen «Jasyl el» eŋbek jasaqtarynyŋ XVIII mausymy ötkızılıp jatyr.
2020-2021 jyldary «Jasyl el» otriadtarynda 1 200 adamǧa oryn bölındı, al biyl būl san 1956-ǧa deiın östı, ösım 756 oryndy qūrady.
Qazır eŋbek otriadtarynyŋ 14-17 jas aralyǧyndaǧy kämeletke tolmaǧan qatysuşylary qalanyŋ bılım beru mekemelerınıŋ aumaǧynda, al 18 jastan asqan jastar saiabaqtarda, skverlerde jūmys ısteidı, kögaldandyru men tazalauǧa qatysady.
Osy jyldyŋ taǧy bır erekşelıgı – qala basşylyǧynyŋ tapsyrmasyna säikes «Jasyl el» jobasy aiasynda 14-29 jas aralyǧyndaǧy jetım balalar men ata-anasynyŋ qamqorlyǧynsyz qalǧan balalarǧa 500 oryn qarastyrylǧandyǧy. Olarǧa forma tegın berıledı, 64 564 teŋge mölşerınde ai saiynǧy jalaqy tölenıp, 6 aiǧa deiın jūmys ısteu mümkındıgı berıledı. Jasaq qūramyna jetım jäne ata-ana qamqorlyǧynsyz qalǧan jastardy qabyldau jalǧasuda. Jūmys orny, kestesı, uaqyty, şarttary men ūsynystary turaly tolyǧyraq @Ns_jastary Instagram akkauntyna jazyp, bıluge bolady.
Baian ASYLBEKOVA
