Jauapkerşılıgı zor mındet

Elbasynyŋ Jarlyǧyna säikes qyrküiek aiynyŋ üşınşı  jeksenbısı Qazaqstan halqynyŋ tılderı künı bolyp belgılendı. Astana qalasynda biyl Tılder festivalı XV ret ötkızılıp otyr. Osy negızdegı  ıs-şaralar turaly Astana qalasy Tılderdı damytu basqarmasynyŋ tılderdı damytu jäne üilestıru bölımınıŋ basşysy Qūralai Aqseiıt äŋgımeleidı.

– Tıl festivalı aiasynda qan­dai ıs-şaralar ūiym­das­tyrylady?
– Memlekettık tılge qūr­mettı qalyptastyru, tıl mäde­nietınıŋ deŋgeiın köterıp, mem­lekettık tıldıŋ qoldanylu aiasyn keŋeitu maqsatynda orys synyptaryndaǧy qazaq balalary arasynda arnauly olimpiada jäne orys jastary arasynda «Tıl – halyq janyn ta­nudyŋ kıltı», jergılıktı mem­lekettık organdarda, mem­lekettık ūiym­dar men kä­­sıp­oryndarda, au­maq­tyq me­­kemelerde qyz­met ıs­tei­tın ma­mandar arasynda «Mem­le­ket­tık tıl – mem­lekettık qyz­mette» atty qalalyq bai­qau­lar ūiym­­dastyrylady.

Sondai-aq, qaladaǧy barlyq sala mekemelerı Qazaqstan halqy tılderı künıne arnalǧan ıs-şaralar ötkızedı.

– Biylǧy festivaldıŋ özgeşelıgı bar ma?
– Atap aitatyny, orys sy­nyptaryndaǧy qazaq balalary arasynda da qalalyq tıl olimpiadasynyŋ ötuı. Būǧan deiın Abaidyŋ ruhani qūndylyqtaryn körsete otyryp, ädebi mektebın, tıl mek­tebın, ūlt pen ruh mek­tebın aşu, ūly aqynnyŋ mūra­syn jastardyŋ sanasyna sı­ŋıru maqsatynda ülken jū­mys­tar atqaryldy.Taǧy bır mäsele – qazaq tılınde sauatty, jaŋaşyl, körkem bezen­dırılgen jarnamalarǧa qol­dau körsetu. Osy tūrǧyda «üz­dık jarnama» baiqauynda taqyryptyŋ özektılıgı, jarnama mätınınıŋ maǧynalyǧy men tartymdylyǧyna, bezendırıluı men dizainerlık şeberlıkke basa maŋyz berıleiın dep otyr.

– Özge ūlt ökılderınıŋ mem­­le­kettık tılge yqylasy qalai?
– Qazaq­standa 130-dan astam ūlt pen ūlys ökılı tūrady. Bü­gın­gı taŋda qalada tatar-baş­­qūrt, armian, evrei, ukrain, taǧy da basqa ūlttyq mek­­tepter jūmys ısteidı. Res­publikamyzdyŋ bılım ordalarynda 11 ūlt tılı oqytylady. Al memle­kettık tıldı meŋgergen özge ūlt ökılderınıŋ deŋgeiı jyl­dan jylǧa artyp keledı. QR Prezi­dentı Jarlyǧymen bekıtılgen «Tılderdı qoldanu men damytudyŋ 2011-2020 jyldarǧa arnalǧan memleket­tık baǧdarlamasy» tolyq küşı­ne endı. 2017 jylǧa qarai mem­le­kettık tıldı meŋ­ger­genderdıŋ ülesı 95 paiyzǧa jetuı qajet. Būl – jauap­ker­şılıgı zor mındet.

Taŋatar TÖLEUǦALİEV