Elordanyŋ «Tarlan Arena» stadionynda jauynger-internasionalist Qazbek Abdrahmanov esımın eske tüsıruge arnalǧan turnir öttı.
Biyl 18-şı ret ūiymdastyrylǧan jarys Astana künı merekesı aiasynda ötıp, onda balalar üiı men aulalyq klubtar komandalary küş synasyp, 100-ge juyq jasöspırım jasyl alaŋda köŋıl köterdı.
Nūr-Sūltan qalasy Mädeniet jäne sport basqarmasy basşysynyŋ orynbasary Berık Marjyqpaev pen sport ardagerı Nikolai Driutov jasöspırım futbolşylardy elorda merekesımen qūttyqtap, Auǧanstan soǧysynyŋ ardagerı Qazbek Abdrahmanovtyŋ jauyngerlık erlıgı men jastar men balalar arasynda jürgızgen äskeri-
patriottyq jūmysyn eske tüsırıp, jarysqa qatysuşylarǧa sättılık tıledı. Tartysqa toly ötken jarysta «Astana jastary» KMM-ne qarasty «Everest» aula kluby komandasy chempion atandy. Ekınşı oryndy – «Älım» aula kluby futbolşylary, al üşınşı oryndy Aqmola oblysynyŋ Qorǧaljyn audanynan kelgen «Qaraegın» komandasy ielendı. Jeŋımpazdar men jüldegerlerge diplomdar, medaldar jäne syilyqtar tabys etıldı. Sonymen qosa, Nūr-Sūltan qalasynyŋ «Balalar üiı» komandasyna demeuşıler atynan syilyq berıldı.
«Men öte quanyştymyn. Auyldan kelıp futbol jarysyna qatystyq. Endı oquşylarymdy qaladaǧy merekelık şaralarǧa aparyp qydyrtamyz. Elımızdıŋ jüregıne ainalǧan astanamyzdyŋ merekesı bärımızge qūtty bolsyn deimın. Osyndai jarysty ūiymdastyruşylarǧa rahmet aitamyz» deidı Aqmola oblysynyŋ Qorǧaljyn audanyna qarasty «Qaraegın» orta mektebınıŋ bastapqy äskeri daiyndyq jäne dene şynyqtyru pänı mūǧalımı Saǧat Äbdıkärımov.
