Jedelsöz. Oljas KAUŞEV,Astana qalasy Jastar saiasaty mäselelerı basqarmasy jastar ūiymdarymen jūmys bölımınıŋ basşysy: JASTAR QAI ISTE DE BELSENDI
– Elorda jastarynyŋ jaǧdaiy qalai?
– Astana – jastar qalasy. Mūnda qazır 245 myŋnan asa jıgıt pen qyz tūrady. Būl – jalpy tūrǧyn halyqtyŋ 30 paiyzy.
Biyl 1 qyrküiekke deiın bızdıŋ basqarma eluden astam ıs-şara (kezdesu, döŋgelek üstel, konferensiia, festival, senbılıkter men türlı äleumettık ıs-şaralar) ötkızdı. Oǧan 80 myŋnan asa jas qatysty.
«Biznestıŋ jol kartasy – 2020» salalyq baǧdarlamasyn jüzege asyru aiasynda elordada jastardy jūmyspen qamtu jönınde «Jastar täjıribesı», «Jasyl el» jobalary jüzege asyryluda. Jyl basynan berı oǧan 807 adam qatysty.
Elorda jastaryn jūmysqa ornalastyru üşın jyl saiyn bos jūmys oryndary järmeŋkesı ötkızıledı. Bırınşı jartyjyldyqta osyndai 4 järmeŋke ötkızılıp, oǧan elordanyŋ 10 myŋǧa tarta jūmyssyz jürgen tūrǧyny qatysty.
– Aldaǧy mındetter qandai?
– Qoǧamda köterılıp otyrǧan mäselelerden astanalyq jas azamattar eşqaşan şet qalǧan emes. Bız qazırde jastardyŋ äleumettık-ekonomikalyq ahualyn küşeituge baǧyttalǧan bırneşe jobalar boiynşa jūmystar atqarudamyz. Eŋ basty mäsele, jastardyŋ mamandyq taŋdaudaǧy ketken qatelıkterın jönge keltıru. Osyǧan bailanysty basqarma tūraqty türde bügıngı kün sūranystaryna ie mamandyqtar boiynşa jastardy qaita oqytyp, daiarlauǧa baǧyt ūstauda.
Osy aitylǧan mındetterdı jüzege asyru üşın basqarma qalanyŋ jalpy bılım beretın mektepterınde 9-11-synyp oquşylarymen keşendı jūmystar jürgızude. Eŋ köp sūranysqa ie mamandyq ielerımen şäkırtterdıŋ kezdesuı ūiymdastyrylady.
– Jastardyŋ qoǧamdyq jūmystarǧa qatysy qalai?
– Elordanyŋ jastary belsendı. Basqarma ötken qysta «STOP-QAR» aksiiasyn ötkızdı. Maqsaty – salauatty ömır saltyn qalyptastyru, Otanǧa, tuǧan jerge degen süiıspenşılıktı arttyryp, qala tazalyǧyna jete män beru bolatyn. Oǧan bes jüzden astam elordalyq jas qatysty. Sol siiaqty senbılıkter men türlı merekelerde jas jıgıtter men qyzdar äsem de ädemı bas qalanyŋ odan saiyn körkeiıp, örkendeuı üşın asa belsendılıkpen atsalysady.
