Täuelsızdık künıne orai elorda äkımdıgınde 1986 jylǧy Jeltoqsan oqiǧasyna qatysuşylarǧa mereitoilyq medaldar tabys etu saltanaty öttı.
1986 jyldyŋ jeltoqsanynda qazaq jastary Almatynyŋ ortalyq alaŋyna şyǧyp, Qazaqstan Kompartiiasy OK bırınşı hatşysy qyzmetıne Gennadii Kolbindı taǧaiyndauǧa qarsy şyqty. Qazaq jastarynyŋ narazylyǧy bükıl äkımşılık jüiege qarsy narazylyqqa ūlasty. Sol jyldary alaŋǧa şyqqandardyŋ erlıgı eskerusız qaldy. Tıptı quǧynǧa tüskenderdıŋ bırazy älı künge aqtalmai keledı. Tarihymyzdaǧy osy bır aqtaŋdaqtardyŋ orny bügınde toluda. Qalalyq äkımdık bır top Jeltoqsan qozǧalysyna qatysqan batyrlarymyzǧa qūrmet körsetıp, eŋbekterın baǧalady. Işkı saiasat basqarmasynyŋ basşysy Däuren Babamūratov Jeltoqsan qaharmandaryna erekşe ıltipat körsetıp, mereitoilyq medaldar tabystady.
– Ol kezde men Qazaq memlekettık universitetı arnaiy bölımınıŋ studentı edım ärı komsomol biurosynyŋ hatşysy bolatynmyn. 24 jastaǧy menı bır künı komsomol men universitetten sebepsız şyǧaryp jıberdı. Sot maǧan ǧana emes, Jeltoqsan oqiǧasynyŋ basqa qatysuşylaryna da demonstrasiia jasady, – dep esıne aldy Qūrmanǧazy Rahmetov. Sodan keiın aǧamyz türmede ekı jyl, ekı ai otyrady. Tuberkulezben auyrǧan ol 1989 jyly bostandyqqa şyqty. 90-jyldary Qūrmanǧazy Rahmetov aqtaldy.
Jeltoqsanşylardyŋ taǧdyrlary ūqsas. Qazır olar 50 jastan asqan. Beibıt künge jetıp, araily aq taŋnyŋ tuǧanyna riiasyz quanyşty.
https://youtu.be/0zMxPC0HQ38
