Keşe QR Memlekettık qyzmet ısterı jäne sybailas jemqorlyqqa qarsy ıs-qimyl Agenttıgınıŋ Astana qalasy boiynşa departament basşysynyŋ mındetın atqaruşy T.Qaskinnıŋ töraǧalyǧymen sybailas jemqorlyqtyŋ aldyn alu mäselelerı jönınde qalalyq forum öttı.
Jiynǧa sondai-aq, Astana qalasy boiynşa Sybailas jemqorlyqqa qarsy ıs-qimyl ūlttyq biurosy departamentı basşysynyŋ orynbasary D.Müsılımovtıŋ, «Nūr Otan» partiiasy Astanalyq filialynyŋ partiialyq baqylau inspektory S.Külbaev, elordalyq Käsıpkerler palatasynyŋ ökılı S. Müjıkov jäne memlekettık organdar men käsıporyndardyŋ basşylary, ükımettık emes ūiymdar ökılderı qatysty.
Öz sözınde T.Qaskin jaŋadan qūrylǧan Qazaqstan Respublikasynyŋ Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ negızgı mındetı turaly aitty. Sonymen qatar, Elbasy Nūrsūltan Nazarbaev jüktegen «Bes institusionaldyq reformany ıske asyratyn «100 naqty qadam» Ūlt josparyn jüzege asyru» – barşaǧa ortaq mındet ekendıgın aita kelıp, būl tapsyrmalardy oryndauǧa barlyq memlekettık organ jūmyla kırısu qajettıgın taǧy bır eske saldy.
Forum barysynda käsıpkerler men biznestıŋ mäselelerı köterıldı. Būǧan departament qyzmetkerlerı men memlekettık organdardyŋ ökılderı jauap berdı. Kezdesu soŋynda astananyŋ biznes ökılderı qoldaǧan sybailas jemqorlyqtyŋ aldyn alu mäselelerı boiynşa astananyŋ käsıpkerlık qoǧamdastyq ökılderımen yntymaqtastyq turaly memorandum jobasy ūsynyldy.
