2018-2020 jyldar aralyǧynda jemqorlyq deŋgeiın tömendetu – «Astana – adaldyq alaŋynyŋ» basty strategiiasy. Sondyqtan sybailas jemqorlyq jasauǧa sebep bolatyn jaǧdailardy şeşu maqsatynda negızgı 7 baǧyt anyqtaldy. Jetı jobalyq top jäne sarapşy keŋes pen jobalyq keŋse elordamyzdyŋ adal alaŋyn qūruǧa nasihattap keledı.
Äkımşılık kedergıler, basşylardyŋ jeke jauapkerşılıkterınıŋ bolmauy, qoǧamdyq baqylaudyŋ jetkılıksızdıgı jemqorlyqqa äkeledı. Joba eŋ aldymen osy mäselelerdı şeşuge küş saldy. Mäselen, memlekettık qyzmettı tez ärı sapaly etu maqsatynda bazany bırıktıru arqyly qyzmet aluşylarǧa qajettı qūjattardy jinau üşın qolaily ärı tiımdı qyzmet körsete bastady. Elordamyzdyŋ 80 myŋnan astam zeinetkerı men 22 myŋǧa juyq mümkındıgı şekteulı azamat memlekettık qyzmettı tez ärı sapaly türde aluǧa mümkındık aldy. «Qoljetımdı HQO» aksiiasy kezınde qalanyŋ 54 ūiymynyŋ qyzmetkerlerıne 6 myŋnan astam ESQ berıldı.
Ekınşıden, jalǧan medisinalyq anyqtamalarǧa jol bermeu üşın bır tereze qaǧidaty boiynşa HQO arqyly medisinalyq anyqtamalar, uaqytşa eŋbekke jaramsyzdyq jäne sanitarlyq kıtapşalardy beru turaly ūsynystar engızıldı. Memlekettık qyzmet ısterı jäne sybailas jemqorlyqqa qarsy ıs-qimyl Agenttıgınıŋ Astana qalasy boiynşa departamentı oryndaǧan tergeu äreketterınıŋ nätijesınde 086 nysandy anyqtamadan 200 blankı, 190 sanitarlyq kıtapşa, 80-nen astam mör anyqtalyp, jalǧan medisinalyq qūjattar jasaityn qylmystyq top äşkerelendı.
Üşınşıden, Joba keŋsesı №10 qalalyq emhana jūmysyn oŋtailandyru aiasynda emdeluşılerge arnaiy baǧyt-baǧdar beretın jüienı ıske qosty. Zamanaui sifrlyq düŋgırşektermen jabdyqtalǧan emhana jūmysy onlain-rejımge köştı.
Törtınşıden, mekeme basşylarynyŋ «Jeke jauapkerşılık» qūjaty äzırlendı.
Ärine, kez kelgen memleket şeteldık täjıribenı nazarǧa alǧan jön. Mäselen, Estoniiada aqparattyq tehnologiialyq kommunikasiialardyŋ damuy 15 jasqa tolǧan ärbır estoniialyq azamattyŋ ID kartochkasyn ielene aluyna mümkındık beredı. Sol boiynşa memlekettık qyzmettı kedergısız aluyna barynşa jaǧdai jasalǧan. Al Kanada täjıribesınde körsetıletın qyzmetter sapasyn ölşeudıŋ jalpy tetıgı sapanyŋ qanaǧattanarlyq därejesı men negızgı kriteriilerın anyqtau maqsatynda jürgızıledı. SMT 5 baldyq şkala boiynşa sapany baǧalaudyŋ parametrlerın qamtamasyz ete otyryp, jazbaşa sūraudy, ǧalamtor jäne telefon arqyly üş boljamdy qoldanady.
Gülmaral SMAT,
M.Närıkbaev atyndaǧy
Qazaq gumanitarlyq
zaŋ universitetınıŋ
4-kurs studentı
