2-3 şıldede Astanada Global Silk Road forumynda Jıbek joly elderınıŋ merlerı bas qosady. Forum aiasynda elordada boi köteretın «Altyn köpır» monumentınıŋ kapsulasyn salu saltanaty ötedı.
Şarany ūiymdastyratyn äkımdık jäne G-Global hatşylyǧy qyzyqty baǧdarlama äzırlep otyr. Astana qalasynyŋ İnvestisiialar jäne damu basqarmasynyŋ basşysy Älışer Äbdıqadyrov olardyŋ bırqatarymen bölıstı. Onyŋ pıkırınşe, qala basşylarynyŋ forumy – memleket pen qala köşbasşylaryn bırıktıretın, megapolisterdıŋ damu jolyn talqylaityn taptyrmas mümkındık. «Qalalardyŋ jaŋa damu modelı qalyptasyp jatyr. Adami kapital, innovasiia jäne joǧary tehnologiialarǧa asa män berılude» dedı ol.
Bügınnıŋ özınde alys-jaqyn şeteldıŋ 54 elınen 2 myŋnan astam qatysuşy tırkelgen. Onyŋ ışınde 70-ı – qala basşylary. Forum keŋ auqymda nasihattalyp, ony jariialauǧa 60 memleketten būqaralyq aqparat qūraldary ökılderı keledı dep kütılude.
– Forum aiasynda Jıbek jolyn sifrlandyru, tūraqty damu mäselelerı, ekonomikalyq teŋsızdıktı joiu, kriptovaliuta siiaqty özektı taqyryptar talqylanbaq. Qorytyndy boiynşa Jıbek joly qalalar basşylarynyŋ kluby paida bolady, – deidı Älışer Äbdıqadyrov.
G-Global halyqaralyq hatşylyǧy basşysynyŋ bırınşı orynbasary Mūrat Qarymsaqov būl forum Ūly Jıbek jolyn jandandyru jobasyna sep bolatynyn aitty. «Odan ärı şarany dästürge ainaldyrudy közdeimız. Biylǧy forumnyŋ erekşe qonaǧy – adamnan aumaityn Sofiia esımdı robot. Ol plenarlyq otyrysqa qatysyp, jasandy intellektıŋ ozyq ülgısın körsetedı» dedı ol.
Qūny 3 mln dollarǧa tatityn «Altyn köpır» tuyndysy demeuşılerdıŋ esebınen tūrǧyzylmaq. Onyŋ avtory – qytai säuletşısı Şun-li. G-Global halyqaralyq hatşylyǧy jetekşısınıŋ orynbasary Mūrat Qarymsaqovtyŋ aituynşa, būl ideia 2017 jyly Beijıŋde «Bır belbeu – bır jol» forumynda paida boldy. «Monument altyn tüstı kärıptastan salynady, oǧan 20 myŋnan astam kırpış ketedı. «Säulet tuyndysy «Han Şatyr» sauda-oiyn-sauyq ortalyǧynyŋ arǧy jaǧynda ornatylady. «Altyn köpır» Ūly Jıbek joly elderıne kıretın 50 memlekettı sipattap, halyqtar arasyndaǧy dostyq nyşanyna ainalmaq. Qūrylys bır jylǧa josparlanǧan.
3 şıldede «Astana Arena» stadionynda Jıbek joly futbol kubogy ötkızılıp, oǧan qala basşylary men futbol ardagerlerınıŋ qūramasy qatysady.
Güldana TALǦATQYZY
